Lugo, 19 de novembro de 2015.- A delegada territorial da Xunta, Raquel Arias, supervisou este xoves o funcionamento do obradoiro de emprego YEI Río Masma de Foz, organizado pola Consellería de Economía, Emprego e Industria, e no que traballan e se forman 15 xoves menores de 30 anos. Acompañouna na súa visita o alcalde do municipio, Javier Jorge Castiñeira.
Arias interesouse polo aproveitamento que os traballadores-alumnos están a facer do taller e explicou que “este é un dos cinco obradoiros que a Xunta ten en funcionamento na provincia de Lugo especialmente deseñados para mozos e mozas de entre 18 e 30 anos en situación de desemprego”.
Esta modalidade púxose en marcha este ano e arranca na provincia con cinco obradoiros nos que participan 16 concellos e un total 75 alumnos traballadores.
A Consellería, dixo, “decidiu desenvolver este tipo de iniciativas destinadas á xente moza que se atopa en situación de desemprego, centrándose en cubrir as súas necesidades formativas e en axudarlles a orientar ou reconducir o seu futuro profesional mentres realizan un traballo remunerado”.
A delegada tamén destacou o dobre obxectivo dos talleres de emprego, que forman e dan traballo ao mesmo tempo, porque “ofrecen ás persoas en situación de desemprego unha maior capacitación profesional que facilitará a súa futura inserción no mercado laboral á vez que reciben un salario”.
En total, a Consellería de Economía, Emprego e Industria inviste 2,5 millóns de euros nos 15 obradoiros en marcha actualmente na provincia, que ofrecen emprego e formación a 277 persoas desempregadas. A Mariña, en concreto, acolle 5 destes obradoiros, nos que participan 13 concellos e máis dun centenar de persoas entre alumnos, monitores e persoal de administración.
O obradoiro Río Masma de Foz imparte a especialidade de instalación e mantemento de xardíns e zonas verdes.
As obras que están a acometer os rapaces participantes comprenden diversas actuacións en parques, xardíns, zonas verdes e áreas recreativas do municipio. Estas actuacións estarán rematadas en marzo, mes no que finaliza o taller.
No Concello de Foz tamén se está a desenvolver o obradoiro de emprego Pardo de Cela II, que forma e da traballo a 20 persoas procedentes deste municipio e dos veciños concellos de Alfoz, Mondoñedo e O Valadouro. Orientado a desempregados de calquera idade, conta con dúas especialidades: instalación e mantemento de xardíns e zonas verdes e actividades auxiliares en conservación e mellora de montes.
Igualmente, o taller da emprego a catro membros do equipo de monitores e administración, e contempla a realización de traballos de acondicionamento na conca do río Moucide e na do río Ouro e os seus afluentes. Rematará en febreiro.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
