A Mariña, 25 de novembro de 2015. O día 1 de decembro A Mariña Federación sorteará ante notario seis vales de compra por un valor de 12.000 euros (2.000 euros cada un) entre os clientes que desde o pasado 15 de outubro e ata o 30 de novembro recibiron nos comercios asociados as rifas para participar na campaña de Nadal do colectivo. O sorteo realizarase ás 12.30 horas nas instalacións de A Mariña Federación, en Ribadeo. Os afortunados ou afortunadas poderán reclamar os seus premios ata o día 18 de decembro e facer uso dos vales ata o 5 de xaneiro de 2016.
A campaña de Nadal de A Mariña Federación comezaba o pasado 15 de outubro no comercio asociado, tradicional e próximo, así como en locais de restauración, dos municipios de Burela, Foz, O Vicedo, Ribadeo, Viveiro e Xove. Ós clientes destes establecementos entrégaselles coa súa compra as rifas coas que participar no sorteo dos vales de compra, un por cada asociación de empresarios que forma parte da Federación. En caso de quedar deserto algún premio doarase a alguna entidade que decida a xunta directiva do colectivo.
Desde A Mariña Federación convidan ós clientes do comercio mariñán a “estar o día 1 de decembro moi pendentes das redes sociais e dos medios de comunicación da comarca co obxectivo de comprar as súas papeletas e reclamar os premios. Ata o 18 de decembro será posible presentar as rifas premiadas. Os afortunados ou afortunadas poderán gastar os seus vales ata o 5 de xaneiro de 2016”.
Na campaña de Nadal de A Mariña Federación colabora a Dirección Xeral de Comercio da Consellería de Economía e Industria.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
