Burela, 21 de decembro de 2015.- Logo de chegar ao ecuador co gran premio do billete para a Copa de España Guadalaxara 2016, o CD Burela FS Pescados Rubén despedirá o ano mañá, co comezo da segunda volta, na pista do Aspil Vidal Ribera Navarra (Ciudad de Tudela, 20.00 horas).
“Non é o momento máis axeitado, aínda estamos coa euforia da clasificación, pero temos que cambiar o chip e ser conscientes de que a liga non se acabou coa Copa” explicaba Daniel Ibañes, incidindo nas ganas e a ilusión de seguir crecendo. “É unha liga moi igualada e nós seguiremos pelexando por conseguir máis premios. Non era o obxectivo a principios de tempada pero temos que ser un pouco ambiciosos e seguir traballando por superarnos día a día” reflexionaba así o técnico sobre o camiño que lle queda por diante ao conxunto laranxa.
O Aspil espera os galegos na sexta praza, con 1 punto máis que o Pescados Rubén.”É un partido complicadísimo, ao que chegamos cansos, e co subidón da remontada en Antequera, que nos pode xogar en contra. Estes xogadores acaban de demostrar que hai que confiar neles ata o último segundo, así poderemos volver poñernos en situación para dalo todo” adiantaba Daniel.
A expedición mariñá poñerá rumbo a Tudela mañá ás 8.30 horas. Isi súmase para mañá á ausencia de Mata; o cordobés está pendente de diagnóstico definitivo por molestias no xemelgo da perna dereita. Entrará Rubén Fernández, do Burela FS B. Nas filas locais, Manu García continúa recuperándose da súa lesión de nocello.
En Vista Alegre, o marcador quedou igualado, 2-2.
Convocatoria CD Burela FS Pescados Rubén: 1. Edu, 5. Iago Míguez, 9. Iago Rodríguez, 11. Chano, 13. Álex, 17. Carlitos, 18. Jorge Bellvert, 20. Chino, 23. Antoñito, 29. Rubén, 30. Hélder
Convocatoria provisional Aspil Vidal Ribera Navarra: 15. Molina, 17. Zardoya, 2. David, 3. Hamza, 4. Roger, 6. Luisma, 7. Rubi, 8. Andresito, 9. Loito, 10. Joselito , 11. Javivi, 12. Pedro, 20. David Pazos
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
