Venres, 19 de febreiro de 2016.- O Grupo Provincial do PP vén de presentar unha moción de urxencia para o seu debate no Pleno ordinario do vindeiro martes día 23 na que lle demanda á Deputación o arranxo “de maneira urxente” da estrada LU-0-0101 ao seu paso pola parroquia de O Cadramón, en O Valadouro, tras terse producido un afundimento.
Os populares demandan ademais que, mentres non se realicen as obras, o Goberno provincial articule unha ruta alternativa para o paso dos vehículos. “Esa estrada podería ser a LU-P-6306 que tamén precisa dunha actuación inmediata ante o mal estado que presenta o seu firme”, explica a voceira do Grupo Provincial do PP, Elena Candia.
Así, a Deputación debe intervir en dúas vías, a estrada LU-P-0101 de Gontán a Ferreira do Valadouro e na LU-P-6306 de Cadramón a Pereiro. A primeira delas atópase cortada ao tráfico actualmente por mor dun derrubamento, o que ten motivado as queixas dos veciños ao verse illados e practicamente incomunicados. Trátase da vía que une esta parroquia con Abadín e coa capitalidade municipal, Ferreira do Valadouro.
A vía alternativa, a LU-P-6306 podería ser unha solución alternativa, pero tamén se atopa nunhas condicións lamentables, polo que o PP demanda que se actúen en ambas as estradas de maneira urxente para darlle resposta ao problema que sofren os veciños e veciñas afectados.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
