Lugo, 4 de marzo de 2016.- A Xunta de Galicia está a informar aos agricultores e gandeiros da provincia das diferentes liñas de axudas que están abertas neste momento, a través dunha serie de xornadas organizadas pola Consellería do Medio Rural en diferentes puntos da provincia de Lugo.
O obxectivo é dar a coñecer aos propietarios das explotacións agrícolas e gandeiras as principais novidades que se introducen na convocatoria deste ano.
Así, programáronse oito sesións informativas sobre as axudas da Política Agrícola Común (PAC), que inclúe tanto pagamentos directos como axudas de desenvolvemento rural.
A delegada territorial da Xunta, Raquel Arias, valorou a realización destas xornadas como unha oportunidade de facer chegar aos gandeiros información de primeira man sobre os detalles das axudas e resolver as dúbidas que poidan xurdir.
Ao respecto, a delegada destacou que “nos dous últimos meses do 2015 a Xunta destinou máis de 51 millóns de euros en axudas da PAC aos agricultores e gandeiros lucenses, case a metade do importe pagado en toda a comunidade”.
Os técnicos da consellería imparten este mesmo venres unha destas xornadas no Concello da Fonsagrada, despois de ter celebrado recentemente unha sesión informativa nas instalacións da Delegación Territorial da Xunta en Lugo.
Para as vindeiras semanas prográmanse charlas en San Román de Cervantes, o día 10 de marzo; e en Mondoñedo e Ribadeo, o día 17 do mesmo mes. Tamén está prevista a celebración de sesións informativas nos concellos de Trabada e Abadín e nas instalacións da Asociación de Criadores de Ovino e Caprino de Galicia (Ovica), en Lugo. As datas comunicaranse proximamente.
Entre os pagamentos directos da PAC inclúense o Pagamento Básico, o Pagamento Verde, a Pagamento aos agricultores mozos e as axudas ligadas á produción. Estas últimas contemplan as liñas de axuda orientadas ao vacún de leite, ao vacún de carne, ao gando ovino e cabrún, ao vacún de cebo, axudas para cultivos proteicos e axudas para legumes de calidade.
Unha das novidades mais importantes, e que afecta fundamentalmente aos gandeiros de leite na axuda de Pagamento Verde, é que a superficie de interese ecolóxico pode xustificarse cun segundo cultivo que se implante despois do cultivo principal e que pode evitar que teñan que deixar superficies a barbeito.
No que respecta ás subvencións de desenvolvemento rural, contémplanse as subvencións de agroambiente e clima, as axudas para agricultura e gandería ecolóxica e as destinadas a zonas con limitacións naturais.
O prazo para a solicitude das diferentes liñas de axuda da PAC remata o 30 de abril.
Outras iniciativas
A Consellería do Medio Rural, a través do servizo de Explotacións Agrarias da Xefatura Territorial de Lugo, tamén está a informar ás cooperativas e asociacións de produtores que o soliciten da Orde do 23 de decembro de 2015 pola que se convocan axudas para apoio aos investimentos nas explotacións agrícolas, para a creación de empresas para os agricultores mozos e para a creación de empresas para o desenvolvemento de pequenas explotacións, e ás que a Xunta destina un importe global de 57,5 millóns de euros para toda Galicia.
Os técnicos da consellería xa informaron sobre este programa nas instalacións da cooperativa ICOS de Chantada e na sede de Ovica. A data límite para optar a esta orde de axudas é o 18 de marzo.
Igualmente, persoal da Xunta impartiu hai uns días en Monforte unha sesión informativa sobre a regulamentación que rexe o potencial de produción vitícola das denominacións de orixe.
O obxectivo desta sesión foi o de dar a coñecer a viticultores, adegueiros e persoal técnico das adegas a nova normativa que regula os procedementos a través dos que se pode solicitar autorización para novas plantacións, para replantacións e para a conversión de dereitos de plantación de viñedos en autorizacións. O prazo para solicitar estas autorizacións remata o 15 de marzo.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
