Ribadeo, 4 de marzo de 2016.- A Concellaría de Igualdade ten prevista unha axenda de actividades a desenvolver ao longo dos vindeiros meses para o fomento da igualdade entre mulleres e homes e para previr a violencia machista. Este mes dará comezo un taller de relaxación e prevención do estrés e prepárase outro de autodefensa. Ademais as xornadas de violencia de xénero terán lugar en abril.
O programa formativo #laretasdaigualdade da Concellería de Igualdade está desenvolvéndose nos centros educativos con sesións presenciais onde o alumnado de 3º e 4º da ESO traballa a publicidade sexista para deconstruír modelos alternativos. Hoxe comezaron coa sesión práctica na que Xes Chapela, formador no eido audiovisual, lles está a impartir as nocións básicas para que despois o alumnado poida facer un spot de mellor calidade para presentar a un dos concursos resultantes deste programa, como é o concurso de publicidade non sexista. Un total de 25 sesións presenciais con persoal especialista en igualdade recibirá o alumnado desde que comezou o programa ata finais de marzo.
Ademais, o alumnado de toda a ESO está a traballar ben de forma libre e/ou apoiado desde as aulas de plástica, informática e das propias titorías o cartel para participar no I concurso de carteis. En #laretasdaigualdade convócanse dous concursos, o I concurso de anuncios non sexistas ou vídeo memes e o I concurso de carteis contra a violencia de xénero. Neste segundo concurso teñen que idear o cartel das vindeiras xornadas locais de violencia de xénero. Ademais ambos certames levan premios de carácter económico no primeiro caso e materiais no segundo.
Entre as actividades previstas para os vindeiros días nos centros educativos, haberá un contacontos o 17 de marzo para o alumnado de infantil do Colexio Público Grgegorio Sanz e do Colexio Sagrado Corazón de Xesús, onde traballarán a igualdade co conto Roi quere ser mamá. O alumnado do CIFP Porta da Auga será o encargado de dinamizar estas sesións. Tamén o CIFP Porta da Auga colaborará activamente no obradoiro das profesións, que se desenvolverá a principios de abril co alumando da ESO.
A Concellaría de Igualdade ten previsto un calendario completo de actividades dirixidas a diferentes sectores da cidadanía. “Para esta Concellaría os 8 de marzo son todos os días, e de aí que os nosos actos ocupen todos os meses de aquí a xuño, e máis nestes tempos de involución nas políticas de igualdade tanto na percepción relaxada que ten a sociedade da igualdade como na escaseza de recursos públicos. Na última convocatoria da Secretaría Xeral de Igualdade aos CIM se eliminou a partida presupostaria para as actividades dirixidas á prevención da igualdade, a liña de igualdade de oportunidades entre mulleres e homes. Co cal, o Concello ten que facer un esforzo dobre ao non ter ningunha axuda económica externa”, explican desde a Concellaría de Igualdade ribadense.
Neste mes de marzo comezará un taller de relaxación e prevención do estrés, que durará ata xuño. E tamén está prevista a organización dun curso de autodefensa para que as mulleres saiban anticiparse e responder a todo de ataques e agresións sexistas. E haberá algunha actividade lúdica como a proxección do documental Fíos.
Estas son actividades máis novedosas, pero a Concellaría de Igualdade ofertará igualmente outras que xa están consolidadas e que son demandadas, como os Foros Permanentes para as Mulleres cos Domingos a pé, charlas, talleres e as xornadas de violencia de xénero locais que se desenvolverán o 22 e o 23 de abril.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
