Burela, 5 de marzo de 2016.- O Burela Pescados Rubén rescata un punto no tramo final do duelo ante o Jaén Paraíso Interior que finalizou con empate a tres tantos. O encontro tivo alternativas no xogo e o marcador que empezou con iniciativa mariñá co tanto logrado por Iago Rodríguez no minuto cinco. Co 0-1 os xienenses deron un paso adiante mentres que o Burela cedeu terreo e intentaba aproveitar os espazos para a contra. O partido transcorría a máxima intensidade pero sen excesivas ocasións. Os burelaos co cupo de faltas completo repregaron filas e o Jaén gozou dun par de ocasións para empatar o partido. Solano probou a Edu desde o doblepenalti pero o meta mariñao respondeu con solvencia e freou inicialmente o empuxe amarelo. Ao bordo do descanso, Víctor Montes rendibilizou a súa ocasión para empatar (1-1). Con este resultado chegouse ao descanso e na continuación o Burela Pescados Rubén reaccionou para levar a iniciativa. Os de Daniel Ibañes tiñan maior posesión e dominaban a un Jaén que esperaba a súa ocasión á contra. A inspiración de Víctor Montes provocou o segundo tanto local (2-1) cun gran disparo que poñía en vantaxe aos andaluces. A pesar do tanto local os burelaos mantiveron o control do xogo ante un Jaén que se refuxiaba na súa defensa para saír á contra e así chegou o 3-1 obra de Emilio Buendía no minuto 34. O terceiro tanto andaluz cambiou o rumbo do partido e os laranxas optaron por xogo de cinco. A aposta tivo premio na primeira acción co 3-2 logrado de cabeza por Iago Míguez e no minuto final o brasileiro Petry empató un duelo con xusto reparto de puntos.
Ficha técnica
Jaén Paraíso Interior: Dani Cabezón, Boyis, Solano, José López, Campoy –cinco inicial- Chema Mella, Víctor Montes, Carlos Muñoz, Emilio Buendía.
CD Burela FS Pescados Rubén: Edu, Chano, Chino, Isi, Bellvert –cinco inicial- Iago Míguez, Iago Rodríguez, Petry, Carlitos.
Goles: 0-1, Iago Rodríguez; 1-1, m.18, Víctor Montes; 2-1, m.27, Víctor Montes; 3-1, m.34, Emilio Buendía, 3-2, m.35, Iago Míguez; 3-3, m.39, Petry.
Árbitros: Bernabeu Haro, López Jiménez. Cartón amarelo: Dani Cabezón, Solano do Jaén Paraíso Interior e Iago Míguez, Isi, Carlitos do Burela Pescados Rubén.
Incidencias: Partido correspondente á 23ª xornada da Primeira División da LNFS. Pavillón de La Salobreja en Jaén. 850 espectadores.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
