Ribadeo, 11 de marzo 2016. Do 19 ao 28 de marzo estará activo o plan especial de visitas á praia das Catedrais durante a Semana Santa. Para acceder ao areal será preciso obter os pases correspondentes a través da páxina web da Xunta https://ascatedrais.xunta.es/. Ao igual que durante o pasado verán serán 4.812 as autorizacións que se expedirán diariamente por parte da Xunta, da Mancomunidade de Municipios da Mariña, do Clúster de Turismo de Galicia, dos hoteis de Ribadeo e tamén dos taxistas da vila, que disporán por primeira vez de tíckets diarios para quen elixa este método de transporte. Ao acto de presentación deste plan asistiu o alcalde de Ribadeo, Fernando Suárez. No centro de cultivos mariños estiveron a conselleira de Medio Ambiente e Ordenación do Territorio, Beatriz Mato, a directora xeral de Conservación de Natureza, Ana Mª Díaz, e a delegada territorial da Xunta en Lugo, Raquel Arias.
O rexedor manifestou: “eu estou convencido de que as cousas para que cheguen a bo porto téñense que facer de maneira conxunta e pola parte do Concello así foi, así é e así vai ser”.
Suárez Barcia lembrou que “sabedes, porque hai moi poucos días mantivemos un encontro afable, agradable, aberto e participativo, e escoitastes tamén na Consellería de Medio Ambiente sobre o plan especial da praia das Catedrais que estamos elaborando e que pende directamente do Plan Xeral de Ordenación Municipal que a propia Consellería aprobou hai un ano. Penso, polo que os técnicos da empresa redactora do plan especial me indican, que nos próximos días poderemos xa someter á consideración da Consellería o que é o estudo inicial por si vedes que hai algo no que discrepades ou non, para seguir traballando en conxunto”.
O alcalde ribadense engadiu que “o goberno municipal e entendo que a Corporación o que queremos é que siga sendo un reclamo turístico impecable de Ribadeo, da Mariña tamén, pero por encima da Mariña e do país, de Ribadeo porque está en Ribadeo e iso queremos que quede claro. No pasado tivemos algúns desencontros e foi fonte de conflitos, pero o territorio é o que é e os marcos son os que son e neste país hai moita manía de polas noites mover os marcos de sitio e iso non queda ben”.
Suárez Barcia dixo que “non estamos inventando nada, solo queremos copiar dos mellores sitios do mundo onde organizan este tipo de espazos turísticos e económicos, de tantos lugares de Europa que xestionan a capacidade de traer a miles de persoas cunha xestión sustentable do territorio. Entendo que o que debemos facer agora a Xunta e o concello é xestionar a transitoriedade, é dicir qué facer durante todo este tempo, o ano, o ano e medio, o tempo que sexa en tanto ese plan especial non estea aprobado definitivamente e que regule xa máis seriamente o funcionamento do transporte público, onde aparcan os vehículos e como se xestiona mellor. Nese senso o noso compromiso é sincero como sempre foi”.
Finalmente o alcalde declarou que “estes últimos anos para Semana Santa non tíñamos os aparcamentos que alugamos na época estival, pero agora xestionamos cos seus propietarios e non teñen ningún problema en cedérnolos para que poidamos ter unha válvula de escape ante tal avalancha de xente. Por tanto pedimos que ese persoal que a Consellería vai poñer a disposición do control dos vehículos que usen de entrada para que os coches aparquen aí e volvan tamén por aí. Se iso queda colapsado que se busquen outros territorios, pero que entren primeiramente por aí”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.