Santiago, 5 de abril de 2016.- A iniciativa impulsada polo Grupo Popular para outorgar “o máximo recoñecemento institucional”, tanto a título colectivo como individual, ás traballadoras e traballadores do servizo de Gardacostas de Galicia vén de ser aprobada sen ningún voto en contra esta tarde no seo da Comisión de Pesca do Parlamento de Galicia.
O voceiro do mar dos populares galegos, Jose Manuel Balseiro, lembrou que esta iniciativa ten por obxecto poñer en valor os 25 anos de servizo público duns profesionais que, entre outras funcións, son os encargados de atender as situacións de urxencia que acontecen no mar, así como as tarefas de inspección marítima dirixidas a garantir o aproveitamento sostible dos recursos, a loita contra o furtivismo e contra a contaminación.
Na súa exposición, Balseiro lembrou as melloras promovidas ao longo das dúas últimas lexislaturas polos gardacostas de Galicia. En concreto, salientou como a máis importante a ampliación da operatividade do servizo áreo de rescate que, grazas ás gardas presenciais, atende as 24 horas do día os 365 días do ano, así como a dotación de embarcacións máis modernas e de material provisto coas últimas tecnoloxías. Ademais, sinalou que, nun contexto de contracción orzamentaria, este servizo non sufriu recortes, senón que viu blindado os seus investimentos.
FLOTA DE GRAN ALTURA
Por outra banda, esta tarde tamén foi obxecto de debate unha iniciativa do BNG para mellorar a competitividade das embarcacións de arrastre que operan en augas internacionais. Os populares felicitáronse porque os nacionalistas, que levan anos criminalizando á flota de gran altura, propoñan agora medidas no seu beneficio.
En todo caso, o Grupo Popular lamentou que a petición do BNG se limite a achegar solucións parciais que non benefician a todos os segmentos da flota de gran altura e propuxo un acordo alternativo a través dunha emenda na que pedían ampliar estes incentivos tamén ao palangre de superficie e ao cerco que opera en augas internacionais.
Os populares reclamaban, máis en concreto, ampliar ao conxunto da flota de gran altura as medidas dirixidas a facilitar a renovación das unidades operativas e permitir que poidan acceder aos rexistros especiais. Ademais, pedían promover a modificación da normativa comunitaria en relación co cercenamento de aletas de tiburón a bordo de buques (práctica coñecida como finning), corrixir a situación das tarifas arancelarias aplicadas aos continxentes de toros de pescada e simplificar a aplicación da norma da Unión Europea para certificar os fretes desde terceiros países.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
