O Grupo de Teatro do Colectivo Cultural Ollomao representa o sábado 23 de Abril ás 20.00 na Sala Bahia de Foz, nun acto organizado pola Asociación Cultural A Pomba do Arco, con entrada gratuita para todos os públicos, a representación da obra teatral “Rio Bravo”
RÍO BRAVO, é unha adaptación da exitosa montaxe do mesmo título que o grupo compostelano Chévere levara aos escenarios en 1992 e en 2002. Trátase dunha sorte de homenaxe, a modo de parodia, ao xénero do western, popularizado durante anos por películas e series de televisión. A liña argumental da película de Howard Hawks, protagonizada por John Wayne e Dean Martin, fai de base para unha revisión xeral de todo o xénero do “oeste”. A música, o ambiente e a historia, transportannos directamente desde as nosas butacas ata os “saloons” e os desertos do oeste americano, facendo desta unha experiencia moi divertida para os/as pequenos/as e enormemente evocadora para os/as maiores.
No verán do 2014 o Colectivo Cultural Ollomao organiza un obradoiro de teatro dirixido a nenas/os de entre 6 e 12 anos. O éxito da experiencia fai que o grupo se estabilice e que emprenda un proxecto que remata por extenderse durante dous anos e medio. Nese tempo, os rapaces e rapazas de Ollomao subiron ás táboas para poñer en escea catro obras diferentes: “Unha casa nada deshabitada”, “Brancaniño e as 6 ananeves”, “Fly airways” e, finalmente, “Río Bravo”.
Para o grupo infantil de Ollomao, “Rio Bravo”representa o culme ao proxecto que iniciara no 2014 ao ser, sen dúbida, a montaxe máis complicada e ambiciosa que este grupo de rapaces e rapazas ten acometido. Así, rematada esta etapa, o grupo continúa máis vivo que nunca, experimentando novas formas de interpretación, agora fronte a unha cámara, facendo parte do proxecto “A Lanterna Máxica” que está a organizando o Colectivo Cultural Ollomao.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
