Alfoz, 20 de abril de 2016.- A agrupación de Veciños independentes de Alfoz móstrase crítica co procedemento de toma de posesión das fincas de reemprazo da concentración parcelaria de Val de Alfoz, tras o anuncio da Dirección Xeral de Desenvolvemen to Rural de dar posesión provisoria dos novos predios, e establecer como data límite para os mesmos o 15 de abril de 2016. Xabier Pardiñas, voceiro de VIA, considera que “non parece lóxico que despois dun proceso tan lento, con máis de 20 anos de duración, agora exista tanta presa e se anuncie a toma de posesión das fincas con apenas 10 días de antelación”. Entende que sexa unha prioridade da Consellería do Medio Rural o feito de axilizar os trámites das concentracións parcelarias que están na fase final de execución, pero tamén recordan que se lles debe facilitar o acceso ás fincas resultantes. Consideran que este segundo punto non se está a cumprir xa que existen fincas sen acceso, pois aínda non remataron as obras correspondentes ás pistas secundarias, “este feito da lugar a situacións que chegan ao estremo de deixar vivendas sen acceso rodado”.
A parte dos problemas de acceso, en VIA comparten as queixas dos veciños relativas á falta de información respecto á recollida de colleitas e á retirada de árbores, recordando que “en outras concentracións parcelarias, realizadas en concellos próximos, anunciaron a data límite de posesión con alomenos dous meses de antelación e estableceron tres meses mais para a retirada de árbores”. Neste sentido apuntan que existen cortas de árbores pendentes de autorización e que polo tanto non se puideron facer antes da entrega. Recordan ademais que o anuncio da toma de posesión da concentración parcelaria de Pereiro-Oiras, no mesmo concello de Alfoz, se fixo con case dous meses de antelación, “sendo unha concentración na que existían 350 hectáreas e 377 propietarios, mentres que na de Val de Alfoz existen 1526 hectáreas e 1792 propietarios”, o que dificulta o proceso de intercambio de fincas.
Ademais, desde VIA consideran que a data idónea para a entrega das fincas sería en torno ao mes de outubro, “momento no cal están recollidas a maioría das colleitas”, xa que na actualidade vai haber propietarios que entregarán as súas antigas fincas e non poderán tomar posesión das novas se respectan as colleitas existentes. Por outra parte, tampouco consideran adecuada esta data de entrega polo feito de que, aquelas explotacións que teñen que declarar as superficies das fincas para as axudas da PAC, so teñen de prazo ata o 30 de abril e, en algúns casos, vanse encontrar que as fincas de reemprazo non cumpren as condicións esixidas para o seu fin, por encontrarse improdutivas. Tamén se da o caso de productores que que xa teñen presentada a súa solicitude á PAC coas fincas anteriores e agora poden verse obrigados a modificalas.
Para tratar de canalizar os problemas ante a Consellería de Medio Rural, responsable da concentración parcelaria, VIA poñerá estes feitos en coñecemento dos responsables técnicos de Infraestruturas Agrarias e recorda que se pon á disposición dos veciños e veciñas de Alfoz a través de calquera dos membros do grupo municipal e nos correos vialfoz@gmail.com e grupovia@concellodealfoz.com
O cambio resulta necesario porque a instalación das atraccións impide o paso dos camións de recollida por estes puntos. O contedor situado na Travesía Granxas trasladarase á avenida de Vilalba, mentres que o instalado na rúa Antonio Roca pasará á rúa Suasbarras. Ademais, o Concello reforzará a dotación de contedores no Campo da Festa e no Campo da Pascua, onde se colocarán máis unidades para atender o incremento de residuos previsto durante a celebración. Desde o Concello agradécese a comprensión á veciñanza polos cambios realizados e lémbrase a importancia de depositar os residuos nos contedores situados nas novas localizacións, co fin de facilitar o correcto funcionamento do servizo de recollida.
O alumnado de 2º curso das familias profesionais de Instalacións e Mantemento, Imaxe Persoal e Administración e Xestión remataron o curso e a súa formación en centros de traballo co que xa conseguiron a súa titulación como técnicos de grao medio ou grao superior para incorporarse ao mercado laboral. Desde o IES Perdouro, destácase o alto grao de empregabilidade destas ensinanzas e a importancia que para o ámbito laboral ten a incorporación destes profesionais, ao mesmo que lles trasladamos os parabéns pola súa recente titulación.
O festival terá lugar os próximos 1, 2, 3 e 4 de xullo na parroquia de Celeiro do concello costeiro, que volverá acoller este popular evento cultural centrado na música punk, metal e hardcore.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
