Lugo, 23 de abril de 2016.- O Grupo Provincial do Partido Popular urxe á Deputación que convoque unha xunta de portavoces para tratar a posible compra do edificio que a Cámara de Comercio ten na Rúa Ramón Ferreiro e que prevén, tal e como ten proposto o PP, destinar ao servizo de recadación da institución.
A voceira do Grupo Provincial do PP, Elena Candia, rexistrará un escrito pedindo a celebración dunha xunta de portavoces, na que participen todos os grupos que conforman a Corporación provincial, co fin de coñecer os plans que o Goberno bipartito ten en relación coa posible adquisición do edificio.
A popular lembra que foi o seu goberno o primeiro que fixo esta proposta co obxectivo de axudar ás familias afectadas pola situación que vive a entidade cameral e optimizar custos ao deixar de pagar o aluguer do actual servizo de recadación, que sería trasladado ao inmoble da Rúa Ramón Ferreiro.
Elena Candia explica que “sería bo unificar posturas entre os grupos e coñecer a proposta do bipartito para poder darlle solución o antes posible”. Asegura que o presidente non está a ser dilixente na resolución destas negociacións e que “nada resolve”. “Tivemos unha reunión e fai unha proposta e ao día seguinte desdise”, engade a voceira, quen pide coñecer de xeito pormenorizado os plans do bipartito con respecto a esta xestión que se verá reflectida no Orzamento provincial posto que “xa pasou demasiado tempo desde aquel encontro”.
Os populares reclaman que, posto que foron eles os que iniciaron os contactos e as vías para darlle solución a esta problemática non cesen os traballos e podan coñecer “de xeito oficial” as cifras da compra que se manexan, os prazos e os plans para ese edificio”, conclúe.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
