Lugo, 23 de abril de 2016.- A voceira do Grupo Provincial do Partido Popular, Elena Candia, advirte de que ao presidente da Deputación, Darío Campos, se lle acabou o discurso de non ter orzamentos e lamenta que “queira seguir gobernando pola porta de atrás en base a mentiras”.
A popular fixo estas declaracións tras a acusación do socialista que culpa á oposición de manter paralizada a institución pola presentación de reclamacións ás contas para 2016. Segundo Candia, estas afirmacións de Campos “só demostran o descoñecemento que ten o socialista sobre a institución que goberna, xa que presentar reclamacións (un dereito dos cidadáns) non implica un estancamento das actuacións da Deputación”.
O Grupo Provincial do Partido Popular intentou chegar a un consenso co goberno bipartito á hora de aprobar os orzamentos, “o que beneficiaría a todos os veciños e veciñas da provincia”, pero o presidente socialista “demostrou que non ten capacidade negociadora e que é incapaz de acertar no goberno da Deputación”, ademais de responder a súa actitude a un “claro modelo ditatorial”.
Así, a voceira dos populares considera que Darío Campos aínda non se deu conta de que preside un goberno en minoría, ademais de que “non busca nin entenderse coa oposición pese ao noso esforzo, nin tampouco cos seus”.
“Fomos os populares os que logramos o desbloqueo da institución” ao facilitar a aprobación dos orzamentos e antepoñer, deste xeito, “os intereses dos veciños e veciñas da provincia”, lembra Candia. E neste senso, ademais de lograr que se garantan nas contas deste ano obras en 33 concellos, un incremento do Plan de Obras e Servizos (POS) e do Servizo de Axuda no Fogar (SAF), “tamén pedimos e así o demandamos nas reclamacións un claro respecto á transparencia e á legalidade á hora de conceder axudas, e que se respecten os acordos plenarios, que conten con informes favorables”.
Polo tanto, as palabras do presidente socialista derivan da necesidade de buscar “novas escusas para gobernar pola porta de atrás e para manter paralizada a institución ao seu antollo”, xa que lles caducou o discurso de non contar con orzamentos “unha situación provocada pola súa falta de consenso e de capacidade negociadora”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
