Lugo, 26 de xullo de 2016.- O Grupo Provincial do PP sacou adiante no Pleno de hoxe unha moción para a posta en marcha dun programa de cooperación cos concellos para a instalación de desfibriladores en toda a provincia.
Así, os populares solicítanlle á Deputación provincial que aprobe a elaboración dun Plan de cooperación cos concellos para axudar aos municipios de menos de 20.000 habitantes na adquisición de desfibriladores para a súa instalación nos espazos de maior afluencia de veciños e veciñas. O PP lamenta que nin PSOE nin BNG apoiaran esta iniciativa.
A voceira do PP, Elena Candia, explicou que o seu Grupo lle deu curso a unha demanda dos concellos e da poboación. “Como é un goberno en minoría cremos que corresponde ao Pleno avalala”, expuxo. Censurou a emenda do PSOE coa que pretendían “revivir unha mal chamada polémica en aras á posta en funcionamento das 24 horas de hemodinámica. Non nos escondemos dos debates sobre saúde. Non facemos un uso político, houbo moitos debates sobre este servizo. Déuselle un uso político e cómpre volver contextualizar a súa importancia”, indicou.
Candia explicou que a última vez que o Pleno tratou o tema “reproducín unha entrevista na que o xefe de cardioloxía do HULA explicaba que coa contratación dun terceiro hemodinamista sería suficiente para que funcionara as 24 horas. Leva máis de 4 semanas contratado. É clarificador”. Así, a popular demandou que o servizo deixe de estar presente no debate político e se centre en decisión técnicas.
A saúde só lles preocupa para facer política
Candia explicou que a emenda onde o PSOE vincula o plan de posta en marcha dos desfibriladores co servizo de hemodinámica “é inaceptable”. “Toca falar dunha proposta que trae este grupo que non é novidoso, xa foi a Pontevedra, Ourense e todos os grupos votaron a favor e aprobouse por unanimidade. Novamente, esta vez non lles vai saír ben, pretende explicar que a saúde só lles preocupa para facer política e non para resolver problemas”, criticou.
“Hai que ser serios, pedimos que se financien eses desfibriladores. Non se acordaron e agora vincúlano á hemodinámica e din que necesitan dous por concello. Está contratado ese terceiro hemodinamista e parece que non se enteraron que iso é o que se precisa para a posta en marcha e vaise ir facendo de xeito progresivo”, engadiu.
“Estou satisfeita de chegar a acordos e creo que rexurdir vellas polémicas cando queda aclarado que a unidade de cardioloxía conta con todos os medios que solicitou para a ampliación de horario non debe ser aceptado e debemos ser intelixentes e seguir na senda do entendemento e resolver os problemas da xente. Hemodinámica non é un problema neste momento e non hai problemas económicos nesa unidade, polo que hai que ver se esta institución está ou non disposta a colaborar cos concellos”, dixo Candia.
O 100% da axuda
A proposta do PP demanda ademais que se inclúa no plan que a axuda da Deputación consista no 100% do prezo do desfibrilador, procurando ademais a formación específica para o seu correcto manexo por persoal capacitado.
Os populares lamentaron que o PSOE intentara desvirtuar unha iniciativa botando man dun servizo que funciona cada vez máis horas e cada vez mellor, como é o de hemodinámica. “Defendemos a xestión da Consellería de Sanidade co HULA no que hai 2.500 profesionais e un investimento de 182 millóns de euros, dos que 40 millóns foron en tecnoloxía. Na senda do entendemento estaremos ao seu lado, recorrer a actitudes besteirianas non van contar co apoio do PP. Falar de sanidade con transparencia e sen escondites coa verdade por diante, a que din os profesionais, non os politiquiños. Cando toca asumir responsabilidades e defender propostas que se levaron noutras provincias cun acordo unánime aquí coñécese o que lles preocupa a sanidade dos nosos veciños”, concluíu.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
