Viveiro, 25 de agosto de 2016. Dende o Concello de Viveiro informamos á cidadanía, que en data 24 de agosto recibiuse no Concello, remitido polo ente público Portos de Galicia o “Proxecto de trasvase de area na praia de Covas, Viveiro (Lugo)” por un importe de 108.548,66€ que contempla obras consistentes na realización dun trasvase de 30.000 m³ de area da zona de levante, aos primeiros 300 metros da zona de poñente na praia de Covas, de tal forma que free momentaneamente a regresión da citada praia e de protección ao paseo marítimo existente.
O deputado e concelleiro na oposición do Concello de Viveiro polo Partido Popular Jaime de Olano facía o pasado 22 de xuño, antes das eleccions xerais do 26-j, anuncio da aprobación do trasvase, sen que o goberno municipal tivera constancia oficial algunha referente ao tema e por elo, remitiu un escrito a Portos solicitando información ao respecto.
Dende Portos de Galicia non tivemos resposta ao citado escrito, si ben recibimos o proxecto referido.
Segundo nos comunica Portos de Galicia, a Dirección Xeral de Sostibilidade da Costa e do Mar informou sobre as medidas correctoras a realizar de cara a recuperación da praia de Covas na zona de poñente e coa finalidade de dar solución provisional á protección do paseo marítimo.
Dado que non é posible asegurar a duración do novo perfil xerado resulta imprescindible a realización dun estudio de dinámica litoral que derive na presentación das medidas correctoras máis viables de cara á recuperación da praia de Covas.
Conforme á información remitida, á espera da aprobación do proxecto por parte de tódolos organismos públicos afectados procederase previamente á formalización do convenio de colaboración correspondente.
Aínda que non é unha solución definitiva, dende o goberno municipal, estimamos que supón un avance a fin de intentar atallar o problema existente, e evitar que se siga deteriorando a praia de Covas, así como tamén as vivendas de dita zona ás que afecta, confiamos que esta medida supoña un inicio para unha solución definitiva a esta problemática que vimos arrastrando dende hai anos.
Por outra banda, indicar que este proxecto foi comunicado ós veciños que forman a plataforma en defensa da praia de Covas.
Viveiro, 25 de agosto de 2016
O alcalde en funcións,
Asdo.: Jesús A. Fernández Cal.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
