A Mariña, 27 de agosto de 2016. A cabeza de lista ao Parlamento Galego pola circunscrición de Lugo, Olalla Rodil, acompañada por outras persoas da candidatura e cadros dirixentes do BNG comarcal e local, acudiron a Viveiro para escoitar de primeira man de veciñas de Covas as demandas da Plataforma “Salvemos a Praia de Covas” e darlles apoio. Celebraron os recentes movementos de Costas cara lograr unha solución ao deterioro medioambiental desta praia motivados pola mobilización promovida por esta plataforma, demostrando unha vez mais que a acción social é importante ante a pasividade das administracións.
Olalla Rodil, Montse Porteiro, Xosé Manuel Peña, Roberto Bouza, Andrea Martíns e Seve Salgueiro, integrantes da candidatura do BNG – NÓS ao Parlamento Galego apoiaron á plataforma “Salvemos a Praia de Covas” reuníndose con parte dos seus integrantes na propia praia, para recoller información directa sobre o tema e ofrecérense a colaborar na medida das posibilidades co fin de lograr unha solución definitiva ao deterioro da mesma que ademais ameaza con afectar de xeito grave zonas habitadas do entorno. A candidata nacionalista concretou que para evitar problemáticas como a que estamos vendo aquí é fundamental lograr a transferencia das competencias estatais de Costas a Galiza, algo que o BNG leva tempo reclamando e así o demandará nesta nova lexislatura.
A formación nacionalista deu os parabéns á plataforma, e animou aos colectivos sociais e persoas que a conforman a seguir traballando polo ben medioambiental e social xa que deles depende o éxito desta iniciativa, á vista do desinterese administrativo destes gobernantes que só se moven cando existe quen os empuxe desde a propia sociedade organizada.
A candidatura de BNG – NÓS pola circunscrición electoral de Lugo, encabezada por Olalla Rodil, traballa coa vista posta en apartar ao Partido Popular do goberno galego como única fórmula para recuperar cuestións tan básicas como contar cuns servizos públicos de calidade, aproveitar os recursos produtivos e poñelos ao servizo da xeración de emprego e o benestar social. Un goberno que só aparece en época electoral para vender o que van facer no futuro demostra que non fixo nada e non é merecente de manterse no poder, afirmou Olalla Rodil.
As candidatas e candidatos nacionalistas aproveitaron para reiterar a necesidade de que a comarca conte con infraestruturas do século XXI, tanto por estrada como por ferrocarril. A falta dun trazado e obras da variante de Viveiro é un castigo aplicado polo PP como vinganza por non gobernar o concello un sr. que agora disque anda de paseo por Bulgaria, e ás veces ven por aquí perder xuízos por denuncias que el mesmo presentou.
A formación nacionalista concretou, no caso das infraestruturas de comunicación, que o servizo que FEVE presta na Mariña require un xiro de 90 graos para servir realmente aos intereses da poboación. Poñen como exemplo o sucedido con esta empresa estatal en Euskadi que unha vez transferido á comunidade converteuse nun servizo ferroviario rápido e fundamental para articular moitas poboacións do norte euscaldún. As candidatas e candidatos do BNG – NÓS lembraron que os escasos avances que houbo nos últimos anos con srvizo de FEVE na comarca foron grazas ao traballo do BNG en diferentes campos – Congreso, parlamento galego e concellos, mais tamén coa presión social – como exemplo poñen o apeadeiro logrado en Viveiro fai uns anos. É hora de seguir loitando polo tren como servizo fundamental para mover persoas e mercadorías, por isto apoiaron a plataforma pola defensa do ferrocarril Ferrol – Ribadeo que ven denunciando o deterioro desta vía desde fai meses.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
