Burela, a 29 de agosto de 2016.- O Grupo Municipal Popular (GMP) deu a coñecer este luns as contías cobradas por viaxes e comidas polo alcalde de Burela nos dez primeiros meses do seu mandado: “Llano cobrou un total de 7.581’86€ desde o 13 de xullo de 2015 ó 31 de maio de 2016. Cartos que son cartos de todos, porque os cobrou do Concello. E todo eso, por suposto, a maiores do seu soldo, que é de 44.999’00€/ano”.
As contías desglósanse en 1.748’28€ desde o 13 de xullo de 2015 ó 31 de decembro de 2015, e 5.833’58€ desde o 1 de xaneiro ó 31 de maio deste ano 2016.
Para os populares, “estas contías reflexan que o Sr. Llano cobrou dos cartos de todos os veciños unha media de 758’00€/mes durante ese período de tempo, ademáis do soldo que se fixou él para si mesmo, 44.999’00€/ano, o máximo autorizado pola lei. O máis significativo é que nos cinco primeiros meses deste ano cobrou en viaxes unha media de 1.166’00€/mes”.
O GMP afirma que “se dá a circunstancia de que neses dez meses hai unha sucesión de viaxes a Lugo, á Deputación fundamentalmente, sobre de todo no período comprendido entre o 1 de xaneiro e o 31 de maio do presente ano. Sucesión mui significativa, porque ás veces ocurre que viaxa a Lugo tres e mesmo catro veces por semana. Non sabemos se tén algún familiar en Lugo nin nos importa, pero que haxa algunha semana de ir tres veces á Deputación, simplemente nos parece unha tomadura de pelo. Pola contra, ás viaxes a Santiago, nos dez meses, non superan a media docena”.
Os membros do GMP estiman que “non hai logros que xustifiquen semellante cobro de dietas e viaxes dos cartos de todos os veciños. A nova escola infantil ainda está pechada, non se tén feito nada de nada sobre as áreas destinadas a zonas industriáis no PXOM, …, e por riba póñense trabas ás obras que a Xunta está a facer nos centros de ensino. Con este alcalde, hasta agora, só temos festas e máis festas, e o convenio coa Deputación, convenio limitado comparado cos de outros concellos, que non xustifica nin por asomo semellante cobro de cartos en dietas e viaxes”.
“O GMP nunca criticaría o cobro de viaxes e dietas se houbese logros e avances importantes, pero como eso non se dá, temos a obriga moral de darlle a coñecer ós veciños o que cobra o alcalde en viaxes, cobro desmesurado e inxustificado pola ausencia de logros, que por riba os pagamos cos cartos de todos”, engaden os populares. “Entendemos que os veciños teñen o dereito de estar informados do que cobra o noso alcalde: se él non informa, informamos nós. E xa vemos que moito non fai, máis ben nada, pero cobrar cobra coma se fixera”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
