Mondoñedo 2 de xullo de 2016.- O Concello de Mondoñedo trasladará o centro de Interpretación do Camiño Norte ao centro cultural Alcántara. A alcaldesa, a popular Elena Candia, avanzou que o Xacobeo vén de adxudicar o proxecto para o cambio de ubicación deste servizo e salientou que deste xeito “o centro estará nun entorno máis próximo aos peregrinos ao estar ao lado do albergue municipal”.
Candia avanzou que a empresa adxudicataria estivo este venres na cidade mindoniense para coñecer as instalacións e presentar o resultado do proxecto “para comezar o traslado canto antes”. O plan, que conta cunha inversión de 40.000 euros, consistirá en “artellar un novo guión expositivo que combine o contido actual do Centro Cultural de Alcántara, no que se fai unha homenaxe aos mindonienses ilustres, coa riqueza cultural do Camiño de Santiago na contorna de Mondoñedo”. A alcaldesa indicou que por este motivo para o traslado teranse en conta “os medios expositivos xa existentes en ambos edificios para intentar relatar dúas liñas de lectura complementarias”.
Deste xeito, o novo centro respectará os medios expositivos de Alcántara que están incrustados nas paredes na antiga igrexa, como os andéis relacionados cos ilustres nados na vila de Mondoñedo, como son Antonio Noriega Varela, José Pacho, Pascual Veiga, Leiras Pulpeiro e Álvaro Cunqueiro. En cambio, os medios expositivos dispostos no corredor central, relacionados coa imprenta e o patrimonio musical, si poden distribuírse doutro xeito para gañar este espazo e colocar nel o contido do Centro de Interpretación do Camiño de Santiago.
Candia precisou que “o novo servizo contará ademais cunha serie de paneis e vídeos sobre o Camiño de Santiago nos que se amosarán non só os aspectos xa tratados nas salas do antigo Centro de Interpretación como son a infraestrutura do Camiño, a paisaxe diversa, as etapas do Camiño, os puntos de interese máis salientables a nivel arquitectónico, e a maqueta interactiva cos vídeos. Tamén se tratarán temas relacionados coa hospitalidade, a simboloxía e os relatos de peregrinos históricos que fixeron o Camiño Primitivo, recentemente galardoado coa máxima distinción da UNESCO, de Patrimonio da Humanidade”.
Importancia para promocionar os municipios
A alcaldesa salienta a vital importancia da posta en marcha deste novo Centro de Interpretación do Camiño Norte no Concello de Mondoñedo. Indicou que “estes espazos pretenden atender a peregrinos, visitantes e ao público en xeral para darlles unha visión de conxunto das características e valores do Camiño ao tempo que serven para promocionar os municipios polos que pasa ao informar de todo o relacionado con estos lugares e os seus arredores”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
