Ribadeo, 14 de setembro de 2016. Do 15 ao 30 de setembro estará aberto o prazo de inscrición nas escolas deportivas de inverno, que oferta o Concello ribadense. Son 13 as disciplinas das que poderán gozar os nenos e nenas con idades comprendidas entre os 4 e os 13 anos. Nesta edición hai dúas novidades: rugby e hockey liña. O concelleiro de Deportes, David Rivas, subliñou que “poucos concellos poden presumir de ter un abanico tan grande de deportes”.
O edil nacionalista dixo que “estamos rematando un verán frenético no que á actividade deportiva se refire en Ribadeo. E como cada ano toca comezar o novo curso de escolas deportivas, unha aposta clara do Concello polo deporte base no que o ano pasado se xuntaron 463 nenos e nenas no total das disciplinas de inverno e máis de 120 nas de verán. En total conseguimos vincular a case 600 nenas e nenos ao deporte base”.
David Rivas contou que “este curso conteremos con 13 disciplinas deportivas, dúas máis das habituais destes últimos anos que son fútbol, fútbol sala, karate, patinaxe, natación, atletismo, tenis, baloncesto, ximnasia rítmica, tenis de mesa, pádel e as dúas novidades que hai este ano que son rugby e hockey liña”.
O concelleiro de Deportes manifestou: “atreveríame a dicir que poucos concellos, xa non só da provincia de Lugo senón incluso de toda Galicia e mesmo de gran parte do Estado, poden contar cunha oferta deportiva tan ampla. Son 13 escolas deportivas de inverno máis as cinco escolas náuticas de verán fan un total de 18 escolas deportivas. Poucos poderán presumir de ter un abanico tan grande de deportes”.
Rivas engadiu que “no Concello pensamos que todo neno, toda nena, debe ter dereito a practicar deporte e por iso un ano máis, e van catro desde 2012, mantemos o prezo da matrícula en 60 euros, non o subimos porque pensamos que non están os tempos para incrementar taxas nunha cousa coma esta, que consideramos tan necesaria para a nosa mocidade. Tamén queremos lembrar que o Concello dispón de axudas para o pagamento total ou parcial da matrícula para familias con situacións económicas máis desfavorables”.
O prazo de matrícula estará aberto do 15 ao 30 de setembro, “destinado a nenos e nenas de 4 a 13 anos e lembrar que nas escolas con límite de praza farase un sorteo, sempre tendo preferencia as nenas e os nenos empadroados e escolarizados en Ribadeo. E desde aquí animar a todos os mozos e mozas de Ribadeo a que tomen parte nalgunha destas disciplinas, que seguramente por estatística ten que haber algunha de lles guste”.
A presentación das escolas deportivas tivo lugar esta tarde no salón de plenos do Concello con asistencia do técnico municipal de Deportes, Iván López, e de representantes dos clubs que imparten estas disciplinas.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
