Barreiros, 15 de setembro de 2016. O Concello organiza a Ruta das Fachas, que terá lugar este sábado, día 17, por San Xusto. Os que acudan a esta andaina poderán ver casas con escudos, muíños, a capela de San Antón no Val do Caínzo, as Fachas, Pena Corveira, a igrexa parroquial (que data do século XVI) e algún cruceiro. A Ruta das Fachas foi promovida polo profesor Emilio Piñeiroa, que acudiu á presentación na que participaron o alcalde, Alfonso Fuente, e o concelleiro de Medio Ambiente, José Manuel Gómez.
O edil barreirense explicou que “se vai realizar o día 17, sábado. É unha ruta que deseñou o profesor Emilio Piñeiroa Lozano, que estivo moi vinculado aquí a Barreiros, deu clases en San Miguel de Reinante durante moitos anos. Foi o promotor desta ruta, deseñouna el e falando comigo e co alcalde para intentar sinalizala porque ten un gran valor turístico. Vai ser a primeira ruta que se vai realizar”.
Gómez Puente contou que “o comezo da ruta vai ser en San Xusto, no campo da festa ás dez e media da mañá, visitaremos a Capela do Val de Caínzo e chegaremos ás Fachas. É unha zona onde hai un xacemento arqueolóxico, está catalogado por Patrimonio, hai evidencias de que existiron unhas mámoas que foron alteradas por traballos de deforestación. Hai tempo sobre o 1936 din que se destruíron. Con esta ruta o que queremos é poñer en valor esa zona e visitar a Pena Corveira, que está a 438 metros de altura e ao lado está a Fonte Fermosiña”.
O concelleiro de Medio Ambiente engadiu que “Emilio Piñeiroa vainos explicar un pouco a historia e cómo estaban as mámoas colocadas e visitaremos os muíños que hai pola zona e a Igrexa de San Xusto, que ten uns preciosos retablos. Acabaremos a xornada cunha comida. Temos de prazo para anotarnos os que queiramos asistir á comida ata mañá, venres, e o que queira participar na ruta o que ten que facer é estar o sábado ás dez e media no campo da festa de San Xusto”.
Segundo José Manuel Gómez Puente o obxectivo pasa “por tentar desde o Concello ir involucrando ás asociacións de veciños de San Xusto e de Vilamar para que eles collan esta iniciativa e fagan esta ruta sempre coa colaboración do Concello. O Concello tamén fará unha vez ao ano esta ruta. Trátase dunha ruta circular de 8 quilómetros dunha dificultade baixa-media e eu creo que é importante porque pasamos preto de cinco muíños, unha igrexa parroquial, e hai escudos tamén. Visitaremos unha zona que ten unha historia patrimonial importante e coñeceremos a flora, a fauna e a paisaxe, que é preciosa coas vistas do Val de Cabarcos, do Val de San Xusto, e tamén se ve Foz e o Cantábrico. Eu creo que vai ser de interese e animo á xente a que participe”.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
