A MARIÑA .- Ourol e Ribadeo son os únicos concellos de A Mariña que participan no estudo sobre o ciclo integral da auga, nos concellos da provincia de Lugo, que está a elaborar a Deputación co fin de aforrar custes ás entidades locais. Trátase, anunciou Antonio Gato, dun estudo sobre a situación de servizos de abastecemento de auga potable, sumidoiros e depuración, así como da xestión de contadores e facturación no que participan 23 comncellos.
Nota de Prensa
A Deputación contrata as primeiras obras do canon 08-09 de Pobra de Brollón, Pantón e Quiroga
– A Xunta de Goberno aprobou pola vía de urxencia as obras destes Concellos que suman 354.528 euros
– Gato Soengas destacou a celeridade coa que está actuar o organismo provincial e subliñou que “é unha cuestión histórica, xa que sen estar obrigados por unha sentenza, a Deputación empezou esta andaina que leva a cumprir cos outros 15 municipios, e que se traduce en obras importantes para eles”
– O organismo provincial está a elaborar un estudo sobre o ciclo integral da auga en 23 Concellos da provincia para aforrar cartos ás entidades locais
– A Deputación acondicionará a estrada de Muñis a Rao, en Navia de Suarna, incluída no POS 2009 Complementario
A Xunta de Goberno aprobou este venres, fóra da orde do día e pola vía de urxencia, a contratación das primeiras obras do Plan de Obras 2008-2009 do canon dos Concellos de Pantón (PP), Pobra de Brollón (BNG) e Quiroga (PP), que suman 354.528 euros, e que sen inclúen dentro dos 15 municipios que non teñen unha sentenza que obrigue á Deputación a facer este investimento. O voceiro provincial socialista, Antonio Gato Soengas, subliñou que “isto demostra a celeridade coa que está actuar o equipo de goberno. No mes de setembro o Presidente iniciou a rolda de entrevistas cos Alcaldes dos municipios que teñen producción hidroeléctrica, á marxe de Chantada, para pechar as obras e, nestes momentos, cando aínda non pasaron dous meses, xa só faltan Guntín, Paradela e Carballedo, cos que se chegará a un acordo nos vindeiros días”.
As obras aprobadas en Pantón ascenden a 170.250 euros e inclúen a renovación e condución da traída de augas na rúa Chao Falcón e captación de auga en Bazal. En Pobra de Brollón, o investimento que realizará o organismo provincial é de 157.279 euros. Neste caso, os traballos comprenden a mellora de varios accesos no termo municipal de Pobra, sinalización e instalación de mobiliario urbán. Finalmente, en Quiroga acondicionaranse os accesos das parroquias de Bendollo, Bendilló e Cereixido, por valor de 26.999 euros.
Gato Soengas subliñou que “esta é unha cuestión histórica que é innegable e indiscutible, xa que se estar obrigados por unha sentenza como era o caso de Chantada, a Deputación empezou esta andaina que leva a cumprir cos outros 15 Concellos, e que se traduce en obras importantes”.
En vindeiras Xuntas de Goberno seguiranse contratando máis obras nestes e no resto de Concellos. Para todos eles, a Deputación aprobou 6.098.876 euros -amparados polo Plan Económico-Financieiro da Deputación- dos que 4.065.917 euros corresponden ás dúas primeiras anualidades.
Auditoría da auga
Antonio Gato tamén anunciou que o organismo provincial está a elaborar un estudo sobre o ciclo integral da auga nos Concellos da provincia para aforrar custes ás entidades locais. A esta iniciativa de Cooperación adheríronse inicialmente 23 Concellos: Abadín, Baralla, Begonte, Castroverde, O Corgo, Friol, Guntín, Láncara, Meira, Monforte de Lemos, Monterroso, Navia de Suarna, Ourol, Paradela, A Pastoriza, Pobra de Brollón, Pol, Portomarín, Rábade, Ribadeo, Samos, Sarria e Taboada .
Trátase dun estudo sobre a situación de servizos de abastecemento de auga potable, sumidoiros e depuración, así como da xestión de contadores e facturación. “Permitirá coñecer o ciclo integral da auga e proceder á toma de decisións que se poidan levar a cabo. O importe deste estudo ascende a 23.500 euros. Este é un asunto oportuno porque o goberno de Feijóo anda a elaborar un proxecto de lei de augas de Galicia, que non tivo o beneplácito da FEMP, xa que non trata o ciclo integral e o que vén é a consolidar unha situación de recadación”.
Sentenza favorable
Na Xunta de Goberno deuse conta dunha sentenza do Tribunal Supremo que recoñece o dereito de concelleiros e deputados provinciais a recurrir calquera decisión dos seus gobernos. Finalmente, a Sala deulle a razón ó Deputado, Manuel Martínez, quen interpuxera un recurso contra unhas bases de contratación de personal aprobadas polo anterior equipo de goberno da Deputación. Gato Soengas subliñou que “é un éxito personal e político. Foi un proceso longo, pero permitiu conseguir un dereito que non tiñamos. Sen dúbida ningunha, o compañeiro de Corporación defendeu con tenacidade un dereito fundamental recollido na Constitución, que e ó dereito á participación política, pero que se viña denegando constantemente pola anterior Deputación”.
Outros acordos da Xunta de Goberno
A Deputación acondicionará a estrada de Muñis a Rao, en Navia de Suarna, incluída no POS 2009 Complementario. A Xunta de Goberno deu o visto e prace ó proxecto que conta cun investimento de 285.383 euros.
Tamén se aprobaron dúas contas xustificativas do Plan de Comunidades Veciñais de 2008. Pertencen ós Concellos de Vilalba e As Nogais. Suman 29.415 euros, dos que a Deputación achega 22.061. O organismo provincial tamén subvencionará o programa de desenvolvemento rural nos Ancares con 312.094 euros e que afecta ó grupo de acción local de Triacastela, Navia de Suarna, As Nogais e Baralla. Esta actuación enmárcase dentro do programa europeo Leader Plus.
Asimesmo, tamén se aprobou o convenio de colaboración entre a Deputación e o Colexio de Enxeñeiros Técnicos de Obras Públicas para a realización do curso semestral “Sostibilidade nos procesos construtivos: o emprego de materiais reciclados na construción de estradas”. O organismo provincial subvenciona esta actividade con 25.000 euros
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
