Nota de Prensa
O BNG ESÍXELLE Á ALCALDÍA QUE ACTÚE DE INMEDIATO PARA QUE SE REPAREN OS DANOS QUE UNHA INDUSTRIA LLES ESTÁ A PROVOCAR AOS VECIÑOS DE BENQUERENCIA. OS NACIONALISTAS LEVARÁN O ASUNTO AO VINDEIRO PLENO.
Barreiros, 20 de novembro de 2009. O BNG de Barreiros esíxelle á alcaldía que actúe de inmediato para que se reparen os danos que unha industria provoca aos veciños na parroquia de Benquerencia. Os nacionalistas levarán o asunto ao vindeiro pleno.
Segundo explican desde o Bloque Nacionalista Galego “a mencionada industria, unha planta de formigón que ven funcionando desde fai seis anos, provoca numerosas molestias aos veciños, con vertidos continuos de residuos polas cunetas, que en moitos casos invaden as fincas particulares e os seus cultivos, e que chegan incluso a cauces fluviais, neste caso ao que baixa polo centro da parroquia de Benquerencia. Tamén nubes de polvo e diversas substancias procedentes desta industria afectan ás casas colindantes, coas conseguintes molestias para os veciños. E o continuo tráfico de vehículos pesados hacia a planta destroza os viais da zona (pistas de uso agrícola)”.
Os concelleiros do BNG apuntan que “esta industria xa foi polémica desde o momento da súa instalación nun terreo que a día de hoxe está considerado como rústico. A ubicación desta cementeira nestes terreos fíxose no seu día aplicando dunha forma moi sui generis o regulamento de actividades molestas, insalubres, nocivas e perigosas”.
O Grupo Municipal do BNG xa advertíu no seu día que “esta actividade non só era molesta, senón tamén insalubre e nociva, pois atendendo ao propio RAMINP calificaranse como insalubres as que dean lugar a desprendemento ou evacuación de productos que podan resultar directa ou indirectamente perxudiciais para a saúde e calificaranse como nocivas as que polas mesmas causas poidan ocasionar danos á riqueza agrícola, forestal, pecuaria ou piscícola. E a respecto da ubicación, o regulamento tamén é abondo claro: En todo caso, as industrias fabriles que deban ser consideradas como perigosas ou insalubres, só poderán emplazarse, como regra xeral, a unha distancia de 2.000 metros a contar do núcleo máis próximo de poboación agrupada. A distancia real no caso que nos ocupa é de 200 ou 300 metros únicamente”.
O BNG de Barreiros sempre defendeu que “este non era o lugar idóneo para a ubicación dunha fábrica de formigón, a carón das casas, cando en Barreiros existe un polígono industrial, que era donde tiña que instalarse esta industria do mismo xeito que xa o fixo outra empresa do mesmo sector e coa mesma actividade. Todo o mundo sabe tamén en Benquerencia e en Barreiros de quen eran propiedade os terreos nos que se ubicou a industria. Tal vez sexa fácil deducir porque se facilitou aí a súa ubicación. Isto non é mais ca un claro exemplo do xeito de gobernar do Partido Popular en Barreiros ao longo dos anos: beneficios para uns poucos e os perxuizos que os sufra e os pague a maioría”.
Á vista desta problemática que xa dura seis anos, sen que desde o Concello, coñecedor da situación se fixera nada ao respecto, o BNG pedirá no próximo pleno á alcaldía que “actúe neste asunto en función das competencias que a lei lle outorga, velando polo cumprimento da lexislación medioambiental e esixindo á empresa propietaria da mencionada industria a reparación dos viais e cunetas destrozados, así como a habilitación de sistemas para a eliminación de residuos, e tamén a dotación dos elementos correctores necesarios para evitar molestias ao vecindario”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
