Cervo, 3 de novembro de 2016. A 2.847.000 euros ascende a partida para persoal no presuposto do Concello de Cervo para o 2017, o que supón un incremento dun 5,56 por cento respecto ao deste ano. Responsables do goberno municipal reuníronse na mesa de negociación cos representantes dos traballadores municipais para explicarlles as principais liñas de actuación do orzamento.
O alcalde, Alfonso Villares, anunciou que “tivo lugar a reunión da mesa de negociación do Concello de Cervo para o seguinte trámite de cara a levar adiante os presupostos para o 2017. Nesta xuntanza cos distintos representantes dos traballadores deste Concello explicáronselles as liñas de actuación para este próximo ano”.
Alfonso Villares subliñou que “o gasto corrente do capítulo 1, que é o que abarca o gasto de persoal, vai pasar de 2.697.000 euros no ano 2016 a 2.847.000 euros no 2017, o que supón un incremento do 5´56 por cento neste apartado”.
O rexedor cervense quixo “destacar con respecto aos traballadores un aspecto importante: é que temos consignado para ese ano 2017, porque as condicións económicas do Concello así no lo permiten, a cantidade necesaria para proceder a aboar integramente a paga extra para o persoal de carácter temporal que temos traballando no Concello. Este era un compromiso que tíñamos con eles e que agora este ano podémolo sumir e polo tanto cumprimos o feito de subirlles as asignacións a aqueles traballadores do Concello que tiñan os soldos máis baixos de todos. Creo que é unha noticia importante”.
Villares salientou que “tamén é importante destacar as partidas que temos previstas para o fomento do emprego. Ese é un apartado no que outro ano máis o Concello de Cervo quere seguir poñendo ese grao de area necesario para intentar facer o posible para que as persoas que non están no mercado laboral poidan pouco a pouco establecerse. Nese sentido dámoslle continuidade aos programas de becas de formación con FEUGA cun total de 200.000 euros para este ano 2017”.
Pola súa banda a concelleira de Facenda, Dolores García, declarou que “vemos a necesidade para este próximo ano de incorporar persoal ao Concello sobre todo no aspecto medioambiental. Consideramos que é necesario acometer máis traballos ambientais, sobre todo nas épocas estivais, que é cando máis se necesita que estean todos os lugares públicos e camiños en perfecto estado por motivos de ornato e, sobre todo, por motivos de seguridade cando afecta a viarios. Nese sentido temos previsto consignar unha cantidade de 87.000 euros para a contratación de cinco peóns de limpeza viaria ao cen por cen da xornada laboral por un período de doce meses. Tamén temos recollido no presuposto unha cantidade de 44.500 euros para a contratación de cinco peóns de medio ambiente ao cen por cen da xornada cunha duración de seis meses; neste caso é a través da colaboración coa Deputación cun programa no que o Concello a maiores ten que poñer 7.500 euros, que tamén están presupostados para o ano 2017”.
A edil de Facenda destacou que “desde o Concello de Cervo seguimos apostando polo traballo público, pois hai unha cantidade importante do noso presuposto que está destinada a ese gasto de persoal e a levar adiante eses servizos como o estamos a facer desde o Concello de Cervo para que sexan servizos municipais e públicos”.
Dolores García Caramés tamén asegurou que “seguimos apostando polo fomento do emprego, por facer o posible para que as persoas que non teñen neste momento oportunidades laborais que as poidan ter; e polo tanto temos tamén consignadas no noso presuposto cantidades importantes para abarcar este aspecto”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
