Ribadeo, 23 de novembro de 2016. Do 25 ao 27 de novembro terá lugar unha nova edición do Black Friday, que organiza Acisa. Nesta campaña danse cita preto de 40 establecementos comerciais, que ofrecerán descontos importantes aos seus clientes en artigos de tempada.
O presidente de Acisa, David Martínez, comenta que “é o xa coñecido Black Friday en España. É unha tradición americana que vén de alí, de cando en novembro despois de acción de grazas as tendas vendían moito para Nadal, e convertían os seus números vermellos dos bancos en números negros, por iso é Black Friday”.
David Martínez declara que “esa herdanza vén para aquí e consiste no mesmo, un previo ao Nadal, aproveitar para facer interesantes adquisicións con descontos e ofertas en roupa toda de tempada. Así a xente pode adiantarse ás compras de Nadal nunha data de menos consumo en teoría, para animar este consumo e este previo do Nadal”.
O presidente dos comerciantes ribadenses anuncia que “participan no Black Friday uns corenta asociados polo que estes días Ribadeo será como un gran centro comercial con grandes ofertas e grandes descontos”.
David Martínez sinala que “a media dos horarios de apertura é un pouquiño máis ampla do normal. Hai que lembrar que en Ribadeo abrimos o domingo por tanto é moi cómodo para toda a xente que veña o domingo pola mañá a comprar, a tomar un viño, a comprar o pan, a comer e a gozar da mañá ribadense que sempre é moi animada os domingos”.
Os establecementos comerciais de Ribadeo que participan no Black Friday son Anais, Ana Villamayor, Beep, Bis a Bis, Bodegas Ribeirao, Bora Bora, Calzados La Moda, Deportes Docobo, Esprit, Eureka Kids, Folder, Ginzo, Glass, Güendolina, Gutié, H&A Complementos, Holaola, Joyería Modesto G, La Moda Básico, La Moda Hombre, La Moda Sport, Menos Lobos, Mercería Julia, Mercería Torviso, Mercería Vizcaya, Mika, Naná, Opticalia, Oscarves, PC Ribadeo, Pequerrechos, Pippols, Refan, Ribamueble, Saia, Sanjurjo, Siete Pecados, Toñita Pkes e Tu&Tu.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
