A de Lugo é a primeira Deputación en España que pon en marcha unha programación de axudas dirixida a pilotos de rali. O Presidente, Darío Campos Conde, presentou este mércores esta iniciativa, dotada de 45.000 euros, a profesionais e afeccionados a este deporte da provincia, nun acto no que participaron representantes de todas as escudarías lucenses, o Presidente da Federación Galega de Automobilismo, Iván Corral Pérez, así como o Deputado de Deportes, Pablo Rivera Capón.
Campos Conde subliñou que “é a primeira vez que unha Deputación fai unha aposta tan clara polo automobilismo. E facémolo porque somos conscientes da importancia deste deporte para a nosa provincia. Lugo é unha referencia no mundo do motor tanto en Galicia como en España debido ao prestixio dos nosos ralis e ao número de licencias de pilotos, pois contamos con máis de 140 federados. De feito, dende esta institución colaboramos coa organización das catro probas automobilistas punteiras da nosa provincia: o rali San Froilán e o da Ulloa, así como as Subidas a Chantada e á Pontenova”.
O Presidente explicou que esta programación conta con 45.000 euros en axudas de concorrencia competitiva, ás que poden optar todos aqueles pilotos que sexan da provincia, que estean federados e que, ao longo de 2015, participasen nun mínimo de dúas probas das seguintes competicións: Campionato Nacional 2015, nas modalidades de ralis de asfalto, ralis de terra e montaña; Campionato Autonómico Galego, nas modalidades de ralis de asfalto e montaña; e Copas Promoción.
Axudas de ata 7.000 euros
As subvencións terán unha contía mínima de 400 euros e máxima de 7.000 euros. Con estas axudas poderanse sufragar gastos federativos da actividade competitiva, gastos de inscrición para competicións ou probas oficiais, gastos pola compra ou aluguer do vehículo de competición, gastos de transporte do vehículo e material de competición, así como gastos da adquisición de pneumáticos do vehículo.
Criterios obxectivos e sociais
O Deputado de Deportes explicou que a concesión estas axudas rexerase en base a criterios obxectivos e sociais, “nun novo exercicio de transparencia e cos obxectivos de chegar ao maior número de pilotos, impulsar o deporte base, premiar o esforzo competitivo e favorecer a igualdade e a integración social”. Deste xeito, terase en conta o palmarés, o ránking oficial e a participación en probas federadas. Valoraranse positivamente as solicitudes de pilotos con capacidades diferentes, as de mulleres piloto e as de pilotos con idades comprendidas entre os 18 e os 30 anos.
Prazos
O prazo abrirase previsiblemente este mesmo mes, unha vez que as bases sexan publicadas na Base Nacional de Subvencións e no Boletín Oficial da Provincia. Os pilotos dispoñerán de cinco días naturais para presentar as súas solicitudes.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
