Mondoñedo, 24 de novembro de 2016.- A alcaldesa de Mondoñedo, Elena Candia, e a edil de Benestar, Ángeles Rodríguez, presentaron este xoves as accións programadas dende o Concello con motivo do 25 de novembro, Día Internacional para a eliminación da violencia de xénero. Estas actividades céntranse principalmente en obradoiros e charlas nos centros educativos da localidade xa que, dende o Goberno local ven “prioritario” traballar co alumnado a través de accións de sensibilización e prevención da violencia contra a muller e inculcando valores de igualdade.
Este venres, 25 de novembro, Día Internacional para a eliminación da violencia de xénero, os alumnos do CEIP Álvaro Cunqueiro Mora participarán nun obradoiro de elaboración de murais a través dos que os máis pequenos expresarán como perciben esta lacra que afecta á sociedade. Elaborarase un mural por cada curso académico, adaptando o contido ás idades dos nenos. Estes murais creados polo alumnado exporanse no escaparates dos comercios que participan na iniciativa durante unha semana e finalmente mostraranse na Casa da Xuventude da localidade.
Ademais, durante o desenvolvemento desta iniciativa de elaboración de murais, dende o Goberno local tamén explican que persoal de servizos sociais do municipio ofrecerá unha charla aos alumnos do colexio público mindoniense para que “empecen a coñecer dende a infancia os valores da igualdade e mostren o seu rexeitamento á violencia de xénero ou a calquera outro tipo de violencia que se poda dar na sociedade”.
Ademais, ás 12:00 horas na Praza do Concello, os alumnos de formación profesional tamén lerán un manifesto contra a violencia de xénero e portarán un panel con 39 lazos, en memoria de cada unha das vítimas de xénero do último ano. Os asistentes gardarán un minuto de silencio.
Máis accións ao longo do mes
As accións promovida polo Concello continuarán ao longo do mes de decembro. O día nove, en horario de 13:20 a 14:10 horas, celebrarase un Obradoiro de Igualdade no IES San Rosendo, en concreto, cos alumnos do terceiro curso de Educación Secundaria. Estará impartido por técnicos de servizos sociais do municipio e ten por obxecto coñecer a opinión dos mozos sobre a igualdade nos distintos ámbitos (sociais, familia, amigos, colexio…).
O obradoiro dividirase en tres fases: como ven o sexo masculino e feminino, que estereotipos se deben cambiar e cómo sería unha sociedade que funcionara igualitariamente e sen violencia. Dende as concellerías de Benestar e Educación están a incidir nos centros educativos, intentando inculcar valores de igualdade e, de feito, hoxe o Centro de Información a Muller está a desenvolver no IES un obradoiro de igualdade cos alumnos de primeiro de Bacharelato.
Por último, o día 22 de decembro, o alumnado do IES San Rosendo participará nunha charla enmarcada dentro do programa Puntos Limpos para a xestión de residuos machistas, promovido pola Mancomunidade de concellos da Mariña.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
