Lugo, 30 de novembro de 2016. O BNG propón un plan único de axudas aos concellos por parte da Deputación. O voceiro do BNG no organismo provincial, Xosé Ferreiro, dixo que “mentres as Deputacións non desaparezan traballaremos para que sirvan para apoiar aos concellos con máis dificultades, por que para iso foron creadas no seu momento”. Ferreiro explicou que “está proposta está enmarcada no acordo que BNG e PSOE asinaron para garantir a gobernabilidade das Deputacións de Lugo, Coruña e Pontevedra” e engadiu que “no caso de Lugo cuadriplicaríanse as aportacións que reciben os concellos dende a Deputación”.
Esta proposta foille trasladada, na tarde de onte, ao presidente da Deputación como unha das condicións para que o BNG facilite a aprobacións dos orzamentos para o 2017. Ferreiro sinalou que “a nosa proposta elimina as discriminacións dos concellos pola cor política, un concello de 5.000 habitantes pasaría de recibir 100.000 euros a Deputación a recibir 400.000”. Na Deputación de A Coruña xa se aplicará un plan semellante para o ano 2017 cun montante total de 76 millóns de euros. Xosé Ferreiro destacou que “o BNG traballou para acadar mecanismos para que o reparto dos fondos fose totalmente obxectivo e evitar os repartos a dedo dos fondos das Deputacións”.
Antonio Veiga dixo que a creación deste Plan único de Obras e Servizos irá dirixida a englobar todas as axudas da Deputación aos concellos. O actual plan de obras e servizos, na actualidade, ronda os 5 millóns de euros e coa proposta do BNG a dotación mínima será de 20 millóns de euros. No plan incluiríanse todas as liñas dea xudas que recibe nos concellos e “garantirase un reparto completamente obxectivo. Veiga sinalou que se fará “respectando as condicións de ruralidade, extensión, dispersión, avellentamento da poboación, perda de poboación, etc… de cada un dos municipios”.
Para Veiga “é unha proposta revolucionaria que beneficia a todos os concellos e por iso agardamos o apoio de todos os grupos políticos”. Neste plan tamén iría incluído o 25% que aportaban os concellos ata o momento nas obras do POS, pasando a sufragar a Deputación o 100% do seu custe. Neste plan incluiríanse as seguintes liñas de axudas que ata agora se xestionaban por diferentes cauces cos distintos concellos como o actual POS; as subvencións excepcionais; os plans de cooperación con comunidades veciñais; os plans de emprego que xestiona directamente a deputación (Ben Empregado e Depuemprego…); os remanentes que se produzan ao rematar o ano 2016; o servizo de axuda no fogar (SAF); as liñas de aforro enerxético; e todas as liñas de cultura e deporte.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.