Foz, 30 de novembro de 2016. A programación do Nadal do Concello de Foz, que foi presentada esta mañá, ofrece varias novidades, como unha carreira o día de Noiteboa ou o estreo das carrozas na Cabalgata de Reis. Tamén haberá concertos, proxeccións de cine, representacións teatrais e Mercado de Nadal, entre outas actividades. Dentro desta programación mañá, xoves, día 1 de decembro, ás 20:30 horas na Casa da Cultura proxectarase a película Teito e Comida. O prezo da entrada é de 3 euros.
Na presentación, que correu a cargo do alcalde, Javier Jorge Castiñeira, e a concelleira de Cultura, Silvia Blach Cuesta, o rexedor salientou que “a programación de cultura e de Nadal do Concello de Foz para estas datas é extensa e con diferentes novidades. Estamos moi satisfeitos porque practicamente a todos os días dende o 1 de decembro haberá algún tipo de actividade cultural”.
Javier Castiñeira subliñou que “combina diferentes actos, eventos culturais e musicais. Moitos xa son tradicionais no noso concello, como poden ser o concerto benéfico do Asilo, o concerto da Banda de Música e diferentes actos musicais e festivos por todo o concello; e outros son novos. A maior parte deles están dirixidos a todos os públicos, moitos para nenos pero tamén para maiores”.
O alcalde de Foz asegurou que “o obxectivo é o fomento do ambiente de Nadal, que eu creo que Foz xa é un referente na Mariña nese sentido: no respecto polas tradicións de Nadal e en dar unha alternativa de ocio aos rapaces nas vacacións en Foz, ademais de fomentar as compras no comercio local coa colaboración do Centro Comercial Aberto”.
O rexedor sinalou que “o Concello de Foz aposta este ano, unha vez máis, polo alumeado de Nadal, que se acenderá o día 5 de decembro, o vindeiro luns, e inclúe as rúas do centro urbano, unha árbore xigante no parque Martínez Otero e iluminacións noutras zonas do concello como a glorieta de Vilalba, a praza do Concello e diferentes parques urbanos. A verdade é que a aposta este ano polo alumeado de Nadal é intensa e eu creo que imos quedar contentos todos, porque ademais auméntase o número de días, pois este ano xa a partir do 5 de decembro teremos ambiente de Nadal no noso concello”
Javier Castiñeira engadiu que “o día de Noiteboa pola mañá farase a recepción a Papá Noel, que é un evento que lles gusta moito aos rapaces, dará un paseo na súa carroza polas rúas do concello e despois será recibido na Casa do Concello. Días antes na zona de Álvaro Cunqueiro e avenida da Mariña haberá diferentes elfos que estarán recollendo entre todos os rapaces todas aquelas cartas que desexen para levarllas a Papá Noel. O día de Noiteboa tamén haberá unha novidade importante, como vai ser a carreira de Nadal que organiza Run Foz Run xunto co club de atletismo Ría de Foz, recentemente fundado, en colaboración do Concello. Ás catro e media haberá unha carreira que sairá dende o Campo da Cabana, fará un circuíto urbano e rematará tamén no Campo da Cabana. É unha novidade importante, deportiva, que faltaba dentro da programación de Nadal do Concello de Foz e así cubrimos unha falta que había de actos encamiñados ao deporte”.
O alcalde comentou ademais que “haberá diferentes concertos da Banda de Música, tamén actuacións musicais ao aire libre na zona da avenida da Mariña e Xoan Montes, e o concerto benéfico do Asilo. Tamén teremos o Mercado de Nadal, que se instalará na rúa Álvaro Cunqueiro dende o 19 ao 23 de decembro; e o acto central que é ben coñecido en Foz, a Cabalgata de Reis que será loxicamente o 5 de xaneiro en na que haberá bastantes novidades. A saída e a recepción no Concello é como todos os anos, igual que a chocolatada e a recepción dos Reis Magos no colexio número 1, pero este ano temos algunha novidade, como estrear as carrozas nas que irán os Reis Magos; e ademais, como gran novidade este ano, as carrozas irán acompañadas do tren de Nadal para que os nenos e nenas poidan gozar e participar directamente na Cabalgata de Reis”.
Para Castiñeira “esta programación é unha aposta importante, con moitos eventos que practicamente completan todos os días do mes de decembro e os de xaneiro ata o 6, que é o Día de Reis”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
