Viveiro 10-1-17. O pasado domingo o Pazo dos deportes de Riazor acolleu unha nova edición correspondente á disputa do Campeonato de Galicia de Veterans de Pista Cuberta, que se desenvolveu en dobre xornada de mañá e tarde, cunha participación record dos campeonatos con 460 inscritos. Sendo unha fantástica xornada para os atletas do C.D.Egovarros-Viveiro ó acadar 9 medallas de ouro, 6 prata e 4 de bronce e ó mesmo tempo batir 4 records galegos.
No apartado femenino Susana Parguiña na categoría de W50, foi campeona galega nos 200 e nos 1500 metros e subcampeona nos 800 metros.
Entre os atletas masculinos, acadaron medalla os seguintes atletas: Antonio Cabana en M75, fíxose có ouro nas probas de 400, 800 e 1500 metros batindo os records galegos nas tres probas; o seu compañeiro Fernando Ramos en M70, fíxose có ouro nas probas de 50, 200 e 400 metros, batindo o record galego na proba de 50 metros; Antonio Hernandez en M70, foi ouro nos 800 metros e prata nos 400 metros; Domingo Alvarez en M65 foi prata en 400 metros e bronce nos 1500 metros; Eliseo López en M60 fíxose coa prata nos 3000 metros; Luis Miguel García en M50 foi bronce en 50 metros e tamén bronce en 1500 metros; Constantino Real en M50 foi prata en 400 metros e bronce en 800 metros; Jose Angel López en M40 obtivo a prata nos 3000 metros.
A próxima proba na que participarán será o Campeonato Galego de Campo a Través a celebrar o próximo domingo na Rúa (Ourense).
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
