Cervo, 26 de xaneiro de 2017.- O Concello de Cervo celebra hoxe o Día Mundial da Educación Ambiental programando unha serie de actividades didácticas nos dous colexios do municipio.
Deste xeito, máis de 200 pequenos de infantil e primaria participaron nos “Xogos Ecolóxicos” a través dos cales se pretende que os nenos tomen vontade por conservar e respectar o medio, e adquiran coñecementos e hábitos de vida sostibles co entorno.
O alcalde de Cervo, Alfonso Villares, acompañado polas concelleiras delegadas de Medio Ambiente e Educación, Manuela Méndez, e Dolores García, puido comprobar en primeira persoa como, a través dos diferentes xogos, os alumnos gozaron dunha xornada lúdica, ao tempo que tomaron conciencia sobre a importancia de conservar o medio ambiente. Deste xeito, Villares destacou a especial atención que o Goberno Municipal lle presta a este día “xa que somos conscientes de o medio ambiente é un dos nosos bens máis prezados, pero tamén dos máis vulnerables, e estamos convencidos de que a educación en conciencia ambiental é fundamental dende os primeiros anos de vida, co obxectivo de formar nenos que sexan no futuro adultos comprometidos, responsables e sensibilizados co medio”.
Os monitores adaptaron xogos populares como o Brilé, o Pilla Pilla, o Pano ou a carreira de relevos, para desenvolver as actividades didácticas nos dous centros, afondando na problemática da contaminación, os incendios, na importancia da reciclaxe ou a contaminación da auga, entre outros.
A implicación do Concello cos centros educativos en materia de reciclaxe e coidado do entorno é unha constante durante todo o ano. Neste senso, Villares destaca a importancia do coñecemento ecolóxico “para adquirir actitudes e valores, e tomar compromiso co medio, co fin de facer un uso racional dos recursos para poder así acadar un desenvolvemento sostible”.
A través da concellería de Medio Ambiente, o Goberno Municipal está a realizar unha política activa nesta materia en tódolos eidos.
Deste xeito, estase a traballar, por exemplo, na reforestación de tódolos montes de propiedade municipal con árbores autóctonas, con especial atención ás especies produtivas, como os castiñeiros, sabedores de que “no aproveitamento sustentable dos montes os nosos veciños e veciñas tamén poden atopar, en certo modo, un medio de vida” , sinala o alcalde.
Nesta liña tamén se está a desenvolver, con gran éxito, un programa de compostaxe co obxectivo de reducir a xeración de lixo; entre outras iniciativas.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
