Ribadeo, 26 de xaneiro de2017. O Concello ven de iniciar os traballos de instalación de luminarias con tecnoloxía led en varias rúas da vila, que substitúen ás antigas. Son un total de 75 puntos de luz que suporán un investimento de 35.000 euros financiados parcialmente pola Deputación de Lugo e polo propio Concello, segundo informou esta mañá o alcalde, Fernando Suárez.
O rexedor asegurou que “é intención deste goberno municipal seguir actuando na reposición de luminarias no que ten que ver co alumeado público tanto na vila como nas parroquias, para ser substituído por estas novas tecnoloxías, tecnoloxías led, de menor consumo e de maior eficiencia enerxética. Se ben nestes últimos anos estivemos incidindo nas parroquias, nun número importante delas fomos corrixindo estas deficiencias, aínda nos queda moito camiño por andar”.
Suárez Barcia anunciou que “agora queremos facer unha nova remesa no ámbito urbano, con parte dunha subvención da Deputación Provincial de Lugo e con fondos propios do Concello na parte restante. Queremos iniciar o cambio de máis de 75 puntos de luz para pasar aquí a tecnoloxía led en varias rúas do ámbito urbano”.
O alcalde detallou que “se actuará en Amador Fernández, no aparcamento municipal, na rúa Pintor Fierros ou na rúa Daniel Cortezón, por poñer algúns exemplos dos sitios onde imos cambiar as luminarias vellas por estas de tecnoloxía led”.
Fernando Suárez salientou que “este importe de 35.000 euros que sacamos a concurso vai en aberto, polo que todas aquelas empresas que cumpran os requisitos e que queiran participar neste procedemento teñen toda a información no perfil do contratante da nosa sede electrónica, e o prazo está aberto para que poidan facer as súas ofertas”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
