Foz, 6 de febreiro de 2017. O Concello de Foz ven de rematar a mellora na pavimentación da praza de Mondoñedo, actuación que foi supervisada polo alcalde, Javier Jorge Castiñeira, e o concelleiro de Obras, Pedro Fernández Manín.
Javier Castiñeira anunciou: “fíxose unha obra importante dentro do núcleo urbano de Foz, concretamente na Praza de Mondoñedo. É un cruce de rúas na zona da Ribeira de Foz que leva moitos anos sen rematar, desde que se fixeron as obras de pavimentación da rúa Constitución, a carón da antiga confraría de pescadores. Era unha demanda que nos fixeran os veciños porque quedara un sobresalto bastante grande e incómodo e era un remate que non estaba feito”.
Pola súa banda o concelleiro de Obras comentou: “procedeuse á súa pavimentación con aglomerado asfáltico; dentro dunhas melloras doutros contratos incluímos esta obra. É unha obra sinxela pero que van notar os veciños posto que era unha reclamación nun sitio de paso importante de vehículos pois supoñía un incomodo bastante grande”.
O alcalde subliñou que “esta é unha das obras que pediu o BNG de Foz nos últimos plenos, a mellora do pavimento da praza de Mondoñedo. Atendendo a esas peticións, que son lóxicas e razoables, o equipo de goberno tamén trata de ir satisfacendo as demandas dos veciños. Era unha obra necesaria que se cubriu coas melloras doutros contratos e doutras obras que se viñeron facendo en meses anteriores”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
