Viveiro, 8 de febreiro de 2017. A semana pasada vinme na obriga de aclarar ante os medios de comunicación certas cuestións relativas ás obras da Rúa Grande de Celeiro, despois de que o Partido Popular preguntara no pleno ordinario do día 1 de febreiro cál era a previsión deste concello para levar a cabo estas actuacións.
Entre outras cuestións, expliquei que as obras xa estarían executadas se a Xunta de Galicia concedese a Viveiro a subvención solitada en 2016 ao amparo do Plan Hurbe; ademais, indiquei que este ano se solicitará novamente á Xunta de Galicia, a través do Fondo de Compensación Ambiental, a axuda necesaria para a execución das obras de pavimentación e servizos da Rúa Grande, no tramo comprendido entre a Casa do Forno e o cruce do camiño á Candieira.
Tendo en conta as declaracións realizadas polo voceiro do Grupo Municipal do PP en días pasados, acusando ao equipo de goberno de deixadez e desidia e instando a que as subvencións se soliciten en tempo e forma, pola súa gravidade e falsidade, véxome na obriga, novamente, de retomar o tema e aclarar as seguintes cuestións:
A Resolución do 15 de xuño de 2016, da Secretaría Xeral de Ordenación do Territorio e Urbanismo, pola que se abre o prazo de presentación de solicitudes, en materia de colaboración entre a Xunta de Galicia e as corporacións municipais, para a realización de obras con cargo ao financiamento extraordinario para o Plan Hurbe no ano 2016 publicouse no Diario Oficial de Galicia o 20 de xuño de 2016.
Na convocatoria establecíase que o prazo para a presentación de solicitudes comezaba o día seguinte ao da súa publicación e que as solicitudes presentadas serían valoradas por orde de entrada no Rexistro Xeral da Xunta de Galicia. Non se establecía data límite.
O Concello de Viveiro, sen deixadez nin desidia, comenzou a preparar a documentación necesaria (memoria, anteproxecto e proxecto de obra, resume do orzamento, planos, cadros de man de obra, maquinarias e materiais, etc.) e presentou a súa solicitude no Rexistro Electrónico da Xunta de Galicia o 8 de xullo de 2016.
Nas declaracións referidas, o Sr. Bouza indica que o crédito se esgotou o 21 de xuño (o mesmo día no que se abría o prazo) e que xa non se valoraron máis solicitudes dende esa data. Resulta, cando menos, curiosa e sorprendente a capacidade dalgúns concellos para preparar toda a documentación necesaria nun só día.
Pola miña parte, só quero deixar claro que Viveiro presentou a solicitude da subvención referida en tempo e forma e que, segundo a información facilitada polo voceiro do grupo municipal do PP, a solicitude non chegou nin siquiera a valorarse, esgotándose o crédito o mesmo día no que se abre o prazo para presentar a solicitudes.
A alcaldesa
María Loureiro García
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
