O Grupo Municipal do Partido dos Socialistas de Galicia – PSOE de Ribadeo, en base ó disposto nos artigos 91.4 e 97.3 do Regulamento de Organización, Funcionamento e Réxime Xurídico das Entidades Locais e demais normativa de aplicación, presenta MOCIÓN relativa á APERTURA DE HOTEL NO FARO DA ILLA PANCHA con base na seguinte
EXPOSICIÓN DE MOTIVOS
No mes de decembro de 2013, o ente público Puertos del Estado do Ministerio de Fomento presentou o Programa Faros de España, cuxo obxectivo era reformar algúns dos faros inutilizados para a súa conversión en instalación hoteleiras sen embargo, a 15 de Marzo de 2017, non se chegou a poñer en marcha ningunha destas instalacións.
A causa principal de que estes proxectos non fosen adiante é a rexeita dos concellos e de diversos movementos veciñais, que ven nestes proxectos unha privatización encuberta duns bens públicos e propoñen o seu uso para fins culturais ou sociais de interese comunitario. Concretamente, en catro concellos da Costa da Morte (Camariñas, Fisterra, Muxía e Carnota), existe unha rexeita importante da veciñanza a este tipo de proxectos e son os propios alcaldes os que defenden usos alternativos de carácter social.
O proxecto de hotel ou apartamentos turísticos no Faro da Illa Pancha de Ribadeo é, na actualidade, o mais avanzado deste programa e, como é sabido, as obras de remodelación estanse executando dende hai algúns meses.
Os trámites iniciais do proxecto son descoñecidos porque non foron publicitados nas primeiras fases do expediente, cousa que non está sucedendo noutras localidades.
O BOE do 30 de maio de 2014 publica o anuncio da exposición pública da solicitude C-770 cursada pola empresa Eirobra A Mariña SL. A exposición ten lugar nas dependencias da Autoridade Portuaria en Ferrol durante vinte días hábiles. O proxecto non se expón en Ribadeo nin o Concello require á Autoridade Portuaria a tal fin.
A primeira información pública que coñecemos deste proxecto é un artigo publicado polo diario El Pais o día 25 de Abril de 2015. Nese artigo aparecen unas declaracións do Sr. Alcalde onde afirma que o proxecto é un premio pola contención urbanística.
A segunda noticia pública é a nota de prensa do Ministerio de Fomento na que se informa do acordo do Consello de Ministros do 22 de maio de 2015 autorizando o uso hoteleiro do faro da Illa Pancha e dando conta dun informe favorable do Concello de Ribadeo. Nestas datas xorden diversos movementos sociais en Ribadeo e temos contabilizadas catro peticións de información ao concello que lamentablemente non foron atendidas.
Ate decembro do mesmo ano non se produce o primeiro contacto entre representantes do Concello e do Colectivo Por Nuestro Faro, que neses intres xa tiña mais de 750 adherentes na rede social “Facebook”, a gran maioría persoas de Ribadeo ou nadas en Ribadeo.
Con data 22 de Xuño de 2015, o Presidente da Autoridade Portuaria asina unha resolución cuxo último parágrafo di: “RESUELVE emitir INFORME FAVORABLE sobre el proyecto para uso hotelero y cafetería en el antiguo faro de la Isla Pancha…”. Nas consideracións previas hai unha breve referencia á memoria económica que esixe o artigo 84-d do RDL 2/2011, dándose por entendido que a devandita memoria económica incluiría os rendementos do hotel e mais da cafetería, que como é sabido non figura no proxecto actual.
O día 30 de Xuño de 2015 a Autoridade Portuaria de Ferrol-San Cibrao aproba a concesión solicitada, incluíndo seis parcelas da illa que suman en total 500 metros cadrados, nas que se instalarán o hotel previsto no edificio do antigo faro, unha cafetería exterior e outros servizos. Nesa resolución autorízase un aparcamento para catro vehículos pero nos planos das parcelas citadas non aparece un espazo destinado concretamente a esta finalidade. Tampouco se fai mención algunha do uso que os clientes do hotel poderán facer dos terreos da illa Pancha, que suman 4.376 metros cadrados, nin do eventual acceso a estes terreos por parte dos veciños e visitantes alleos á instalación hoteleira.
Como é sabido, a concesión foi tramitada por vía directa, é dicir sen concurso público, en base ao artigo 83-c do RDL 2/2011 que autoriza as concesións por vía directa, “cuando la superficie a ocupar por la concesión sea inferior a 2500 metros cuadrados”. Entendemos que os terreos da Illa Pancha estarán ao dispor dos usuarios da instalación hoteleira na súa totalidade, polo tanto o cálculo dos 500 metros cadrados iniciais sería erróneo, non sendo que se acoutase un espazo inferior aos 2500 m para uso dos clientes ou se abrise o acceso á totalidade da illa para veciños e visitantes.
O día 9 de setembro de 2015 a empresa concesionaria presenta no concello a documentación para a solicitude de licenza municipal para a reforma do faro e construción da cafetería. Posteriormente retírase este expediente e preséntase de novo a documentación desdobrando o proxecto en dous expedientes construtivos separados, un para hotel e outro para a cafetería.
O día 12 de Xullo de 2016 a Xunta de Goberno do Concello de Ribadeo acorda conceder a licenza urbanística para a reforma do faro con destino a hotel e denegar a licenza para a cafetería.
Nos días seguintes o colectivo “Por Nuestro Faro” dirixe unha queixa ao Valedor do Pobo de Galicia e outra ao Defensor del Pueblo de Madrid, pero o primeiro inhíbese n favor do segundo.
O dia 25 de Novembro de 2016 os medios de comunicación publican unas declaracións do Sr Alcalde de Ribadeo nas que afirma que non se concederá a licenza de apertura do hotel se non permite o acceso dos veciños á Illa Pancha.
O día 16 de febreiro e 2017 recíbese o informe do Defensor del Pueblo no que se manifesta a aplicación incorrecta da normativa vixente, a carencia dunha avaliación ambiental axeitada á Rede Natura 2000 e mais a irregularidade da duplicación dos expedientes de hotel e cafetería, e que remata suxerindo que se corrixan as deficiencias detectadas e se paralicen as obras mentres tanto.
Por todo o exposto, o Grupo Municipal Socialista somete á consideración do Pleno Municipal a presente MOCIÓN, solicitando a adopción dos seguintes ACORDOS:
1.- Que se revisen polo miúdo tódalas fases da tramitación deste expediente e os informes devanditos e se comprobe se se axustan a dereito . Concretamente, hai motivos dabondo para pensar que a falla de exposición pública en Ribadeo, a adxudicación directa, a memoria económica, o desdobramento do expediente, a falla de resposta pola Autoridade portuaria á proposta de acceso libre e a carencia dos informes medioambientais que especifica o Defensor del Pueblo representan un conxunto de irregularidades manifestas, notorias e continuadas que esixen unha análise detallada de todas elas. En coherencia con esta proposta, solicitamos que o Goberno municipal suspenda a concesión da licenza de obras e se ordene a paralización das mesmas mentres non se repoña a legalidade dos procedementos administrativos e quede perfectamente clarificado que cada un dos trámites do expediente se axusta a dereito e que se teñen aportados os preceptivos informes tal como esixe a lexislación vixente. Pola outra banda solicitamos que tódolos procedementos, informes, datas de emisión e recepción, órgano emisor etc. sexan publicitados integramente para coñecemento dos veciños e colectivos interesados.
Aurora González Ginzo
Portavoz Grupo Municipal Socialista
O Grupo Municipal do Partido dos Socialistas de Galicia – PSOE de Ribadeo, en base ó disposto nos artigos 91.4 e 97.3 do Regulamento de Organización, Funcionamento e Réxime Xurídico das Entidades Locais e demais normativa de aplicación, presenta MOCIÓN relativa á SOLICITUDE PASARELA A CONSELLERIA DE EDUCACIÓN con base na seguinte
EXPOSICIÓN DE MOTIVOS
A ANPA do Colexio CEIP Gregorio Sanz de Ribadeo demanda dende hai tempo á Consellería de Educación que constrúa unha pasarela cuberta, que una aentrada das instalacións, ata a porta doedificio do centro educativo. Advirten que xa que cada vez que chove con contundencia, algo bastante habitual en Galicia, os nenos chegan completamente empapados ás aulas, coas consecuencias e incomodidades que isto conleva.
Esta situación provoca malestar na ANPA que xa se puxo en contacto co Concello, co fin de que realizara un informe técnico sobre a posible construcióndesta pequena infraestrutura, e que segundo estes datos a pasarela tería un custe aproximado de …..euros.A Consellería de Educación conta cun orzamento de 2,3 millóns de euros para esta anualidade, polo tanto este investimento non suporía unha gran eiva nas súas contas.
A ANPA considera imprescindible esta infraestrutura xa que sinalan que non é unha obra de moito custe, e ademais contribuirá a mellorar a calidade de vida dos alumn@ do Colexio. O CEIP Gregorio Sanz de Ribadeo abrangue os ciclos de Educación Infantil (3 e 6 anos ) e Primaria ( 6 a 12 anos ), e actualmente conta cun alumnado de 379 alumnos, dos cales 131 son de Infantil, 248 de Primaria.
Así as cousas, e facéndonos eco das reclamacións da ANPA do CEIP Gregorio Sanz de Ribadeo, o Grupo Municipal Socialista somete á consideración do Pleno Municipal a presente MOCIÓN, solicitando a adopción do seguinte acordo;
– Que o Concello de Ribadeo inste á Consellería de Educación a que constrúa unha pasarela cuberta, que una a entrada das instalacións ata a porta do edificio do CEIP Gregorio Sanz de Ribadeo.
Aurora González Ginzo
Portavoz Grupo Municipal Socialista
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
