Mondoñedo, 30 de marzo de 2017. Con esta moción o BNG local pretende que que a Deputación Provincial remate os traballos que veu realizando en anos anteriores de substituír o asfalto antigo por unha capa de aglomerado en quente na súa localidade.
Os nacionalistas explican que as estradas provinciais ao seu paso polo concello teñen un trazado moi sinuoso e con esta medida entenden que se “aumentaría a seguridade da circulación e reduciríanse os custes de mantemento das vías”.
O BNG tamén preguntará se o goberno municipal cumpriu os prazos legalmente establecidos no proceso de resolución do contrato que o concello tiña coa empresa encargada de realizar as obras de rehabilitación da Casa de Álvaro Cunqueiro. O Grupo Municipal ten dúbidas se o concello seguiu o procedemento axeitado a raíz das alegacións formuladas pola empresa afectada na que pide declarar nula a resolución de suspensión do contrato.
O voceiro do BNG, Eloi Cabanas, anuncia que volverá a pedir que se retire o escombro amoreado a carón da rúa Viñas da Veiga como consecuencia das obras realizadas no colexio público e formulará un rogo para que se respecte o sinal de aparcamento de curta estancia na rúa Alfonso VII, “ hai un tempo limitado de 20 minutos que non se respecta”, e apunta que non se cumpre a finalidade de facilitar a actividade de negocios da zona e a de facer xestións no concello, razón coa que foi creado.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
