Nota de Prensa
BARREIROS SERÁ ESCENARIO O VINDEIRO LUNS DUNHA XORNADA NA QUE OS SEUS RESPONSABLES ANALIZARÁN O NACIONALISMO ONTE E HOXE, A ALTERNATIVA.
Barreiros, 5 de decembro de 2009. Barreiros será escenario o vindeiro luns 7 de decembro da xornada O nacionalismo onte e hoxe, a alternativa. Segundo explican os nacionalistas “a razón de ser das xornadas é achegar a historia do nacionalismo galego aos militantes e simpatizantes de Barreiros e que sirva como referencia para analizar a situación actual. O nome das xornadas reflicte precisamente esa intencionalidade: o nacionalismo galego hoxe non pode entenderse sen ter presente os feitos históricos que se deron na nosa nación protagonizados polo nacionalismo: as primeiras listas electorais en Barreiros; as loitas das Encrobas, Xove e Baldaio; a traída dos restos de Castelao; etc…”.
Desde o BNG engaden que “estes e outros feitos marcaron o decorrer do nacionalismo e tamén serven para facer unha análise da actualidade, por iso comezaremos esta xornada coa proxección destes documentais que serven como punto de partida para unha análise demorada do nacionalismo galego. Para isto contaremos coa presenza de Francisco Luis Rodríguez Guerreiro (histórico militante da comarca de A Mariña e membro do Consello Comarcal do BNG, que participou activamente na loita contra a central nuclear de Xove) e de Bieito Lobeira (parlamentario no Parlamento de Galiza e membro do Consello Nacional do BNG, que a pesares da súa mocidade é unha referencia do nacionalismo galego por ter tomado parte en numerosas loitas nacionais, foi Secretario Xeral de Galiza Nova e actualmente é o responsabel de lingua no Parlamento de Galiza). As súas intervencións, xunto coa de Antonio Veiga, permitirannos facer un percorrido polo nacionalismo galego ata os nosos días”.
I XORNADAS SOBRE O NACIONALISMO GALEGO ONTE E HOXE, A ALTERNATIVA.
PROGRAMA
Luns, 7 de Decembro de 2009 – A partir das 18 horas local do BNG de Barreiros
18 horas.- PROXECCIÓN DO VIDEO “O BNG DE BARREIROS EN IMAXES”
PRESENTACIÓN DAS XORNADAS: Belén Fernández Soto. Responsábel do BNG de Barreiros.
18:30 horas.- PROXECCIÓN DO VIDEO “OS PORTAVOCES DO BNG EN BARREIROS”
“A ALTERNATIVA EN BARREIROS”. Intervención de Antonio Veiga Outeiro. Portavoz municipal do BNG de Barreiros.
19:15 horas.- PROXECCIÓN: “NA DEFENSA DA TERRA”
“A ALTERNATIVA NA MARIÑA”. Intervención de Francisco Luis Rodríguez Guerreiro. Membro do Consello Comarcal do BNG.
20:15 horas.-DESCANSO
20:45 horas.- PROXECCIÓN “A TRAÍDA DOS RESTOS DE CASTELAO”.
“A ALTERNATIVA EN GALIZA”. Intervención de Bieito Lobeira. Deputado do BNG no Parlamento Galego.
DEBATE
22 horas.- CEA NO RESTAURANTE “O BARRIL” (estrada da praia – Benquerencia)
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
