Cervo, 20 de abril de 2017.- O alcalde de Cervo, Alfonso Villares, fixo esta mañá un balance dos resultados económicos do Concello de Cervo, en base á liquidación do exercicio de 2016.
O rexedor destacou que o documento foi tramitado en prazo, e incluso con máis dun mes de antelación, tendo en conta as datas fixadas pola normativa vixente.
Neste senso, o rexedor valorou positivamente as cifras porque tódalas magnitudes que recolle o documento teñen un signo positivo, “o que é mostra da boa xestión que entendemos se está a facer dende a Administración Local, que permite que podamos seguir a traballar na liña en que o vimos facendo, coa premisa de manter a estabilidade que nos posibilita seguir a materializar eses proxectos que temos en mente, actividades culturais, deportivas, sociais, investimentos…en definitiva, dar resposta ás necesidades dos nosos veciños e veciñas”.
Villares desagregou os datos, puntualizando que o remanente de tesourería para gastos xerais, ascende a 2.603.912 euros. En canto ao resultado orzamentario axustado, sitúase nos 885.260 euros; mentras o indicador de estabilidade orzamentaria sitúase nos 627.313 euros, un resultado que mostra unha situación de superávit nas arcas municipais.
Pero ademais de cumprir coa estabilidade orzamentaria –engadiu Villares- “que implica que o Concello é autosuficiente, sen acudir a fontes de financiación externa, Cervo cumpre coa regra de gasto fixada pola normativa en materia de sustentabilidade financieira, cun gasto computable do exercicio de 2016 que ascende a 5.094.328 euros”.
Viilares sinalou que “esta non é unha situación puntual, senón unha tendencia positiva que o Concello leva varios anos mantendo, que permite afrontar a xestión municipal nun marco de tranquilidade económica e financeira, froito da responsabilidade e equilibrio que reflexan as contas”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
