Estamos a vivir tempos escuros, iso sábeo calquera. Na era da dixital, da sobre información, os acontecementos concaténanse, séguense os uns aos outros e, no medio deste Matrix, desta realidade –non se sabe si virtual ou material- cadaquén intenta por a súa propia orde.
No plano doméstico un dos fitos ineludibles desta semana foi a dimisión de Esperanza Aguirre como portavoz do PP no concello de Madrid. A “dama de ferro castiza” baixou do barco de xeito voluntario alegando ostentar responsabilidade “in vigilando” con respecto aos seus colaboradores, tendo lugar esta circunstancia de xeito case coetáneo ao ingreso en prisión de Ignacio González.
En síntese, a responsabilidade política de Aguirre lévaa a dimitir porque, a pesar de ser totalmente allea aos feitos delictivos que levaron ao cárcere a Granados ou imputaron a González, cometeu un erro depositando a súa confianza neles.
Á lideresa madrileña non a cree ninguén pero a dimensión do problema é moito maior: a confianza social rachou.
O modelo político-económico español sempre tivo por base unha clase oligárquica que quería tomar as institucións para empezar a facer negocios e cumprir obrigas con aqueles que os auparon. E esta fórmula non só non entendeu de siglas –aí temos o PSOE andaluz, a EU non consello de administración de Caixa Madrid ou os “molt honorables” fillos procesados, por dicir algún sen pensalo…-, a premisa clara: chegar ó poder, baleiralo e logo pedir gratitude. Xa se sabe, si se sega unha rama da árbore caen todas as demais.
E, o peor de todo, este “modus” clientelar estendeuse á xente do común que interiorizamos que a mellor fórmula de prosperar era arrimarse sempre ao sol que máis quecese, prostituír calquera forma de ética a cambio de prebendas persoais.
Aquí estamos, hoxe e agora, nunha sociedade na que non se pode cumprir a lei –aínda que algúns teñan esa vontade-. Non pode facerse, entre outras razóns, porque se o poder xudicial gozara de certa independencia, en aplicación –entre outras- da Lei de Partidos Políticos (Lei 6/2002 de 27 de xuño) habería que empezar a disolver unha parte importante destes.
O artigo 10 da citada lei contempla as causas de suspensión ou disolución xudicial dos partidos e fixa a posibilidade de proceder á mesma nos seguintes supostos:
-Cando incorran en casos tipificados como asociación ilícita no Código Penal.
-Cando se vulnere de forma reiterada e continuada e grave os principios democráticos ou persigan deteriorar ou destruír o réxime de liberdades. Xulguen vostedes mesmos.
Non quixera pechar este espazo sen establecer unha relación de causalidade entre o panorama descrito e a problemática actual: no día de onte a ANPA do Colexio Virxe do Carme de Burela –onde un servidor tivo a oportunidade de estudar- puxo en coñecemento da opinión pública as denuncias feitas dende fai anos á Xefatura Provincial de Educación e ás autoridades públicas competentes. A calada por resposta e unhas instalacións obsoletas, humidades e rompas que incumpren as medidas de seguridade.
Tan só é un exemplo, un coma outro calquera, coñecen vostedes moitos máis. Si a constitución é un verdadeiro contrato social a súa parte dogmática –a relativa aos dereitos fundamentais- debe de estar blindada e ser absolutamente innegociable. Sensu contratrio, tarde ou cedo, acabarán ardendo as rúas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
