Burela 29-4-17. O gran traballo do Pescados Rubén Burela FS despregado en Móstoles só lle permitiu regresar con 1 punto, con resultado final de 3-3. Foi un bo partido das mariñás; o seu dominio da cita, ante un equipo moi valente, viuse lixeiramente empañado pola escaseza de eficacia cara á portería, nunha tarde na que o cadro laranxa quixo poñer sobre a palestra o 5 para 4 en varios momentos.
A iniciativa no marcador de Dany, no minuto 4, desapareceu na seguinte xogada, cun tanto de Patri Chamorro. Co 1-1, decidiu estrear na pista o xogo de cinco, liderado por Bea Mateos, un recurso que alternou durante toda a cita, aínda que no primeiro acto non obtivo recompensa. As locais aproveitaron un rexeite de María Otero para marchar ao descanso con vantaxe.
O equilibrio dos primeiros vinte minutos cederon terreo á posesión e ocasións laranxas. No entanto, foron as mostoleñas as primeiras en ver a meta rival, no minuto 27, nunha perda con porteira xogadora das burelistas. Antes de chegar ao ecuador, Judith reduciu ao 2-3 en contraataque e Shio, tan só un minuto despois, puxo táboas con xogo de cinco. O Pescados Rubén viviu unha recta final cargada de ocasións que non frutificaron ante a gran actuación da porteira mostoleña.
Ficha técnica
FSF Móstoles: Ana Belén, Patri Chamorro, Celia, María, Inma, cinco inicial; tamén xogaron Rocío, Carmen, Elisabeth
Pescados Rubén Burela FS: Ana Romero, Dany, Bea Mateos, Cilene, Shiori,cinco inicial; tamén xogaron Lara, Judith, Elvira, Sofía, Jozi
Goles: 0-1, minuto 4, Dany; 1-1, minuto 4, Patri Chamorro; 2-1, minuto 17, María Otero; 3-1, minuto 27, Carmen; 3-2, minuto 29, Judith; 3-3, minuto 30, Shiori
Árbitros: Alonso Abad // Arquero Jordán (Madrid)
Incidencias: Partido corresponiente á xornada 26 de Primeira División disputado en el pavillón Villafontana de Móstoles. A xogadora do Móstoles Inma quedou inconsciente por un momento tras un golpe sufrido cunha compañeira nos últimos minutos do encontro; recuperouse sobre a pista pero foi trasladada ao centro médico.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
