LOURENZÁ, 24 de maio de 2017.- O grupo municipal do PP de Lourenzá demandará no Pleno de mañá que o Goberno local cumpra o compromiso electoral de dotar á oposición dos correspondentes locais para poder desenvolver correctamente o seu labor. Concretamente, os populares preguntarán á alcaldesa e ao seu equipo polas causas que motivan que o resto de grupos políticos aínda non dispoñan destas dependencias, xa que “pasaron dous anos e, a día de hoxe, aínda non temos un sitio para podernos reunir, a pesares de que este era un compromiso que levaban no programa de 2015”.
Deste xeito, os populares voltan a interarse por este asunto, sendo esta a cuarta ocasión que o fan, pois noutras tres solicitaron que se puxese a disposición dos concelleiros un local nas instalacións municipais”. “Nin cumpriron a promesa nin tampouco o artigo 27 do Regulamento de Organización, Funcionamento e Réxime Xurídico das entidades Locais (ROF)”, indican. As solicitudes anteriormente indicadas foron rexistradas o 20 de novembro de 2015, 30 de maio de 2016 e mediante un rogo no pleno ordinario do posterior ao último rexistro.
Traballos de acondicionamento
Asemade, e dado que o Concello asinou un convenio co de Trabada mediante o cal a entidade local de Lourenzá dispón dun tractor para o desbroce de camiños pero, sen embargo, “nunca antes estiveran tan abandonados”, demandarán do Goberno que indique cantas horas fixo este vehículo, que tipo de traballos se executaron e se algún outro operario municipal empregou o tractor para o acondicionamento de zonas verdes.
Neste senso, e relacionado coa mesma materia, tamén pedirán explicacións polos traballos executados ao abeiro do Obradoiro de Emprego Serra da Cadeira II da Xunta de Galicia, pois a área recreativa do Ranchito, que podía ser mellorada con este iniciativa, atópase nunhas condicións moi deficitarias. Deste xeito, esixirán o desglose de actuacións que foron sufragdas polos case 20.000 euros concedidos pola administración autonómica dentro deste programa, e se o Goberno local prevé o arranxo desta zona e con cargo a que partida económica.
“Custos de dubidosa xustificación”
Noutra orde de asuntos, este Grupo interesarase por actuacións sufragadas pola entidade local e que son “de dubidosa xustificación”. Trátase da organización do Día Internacional da Muller, pois non existe ningunha factura ao respecto; do abono de traballos de dobre rego asfáltico; dos ingresos contabilizados polo Concello no marco da celebración das últimas dúas anualidades da Festa da Faba e do procedemento empregado para a adquisición de material de limpeza.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
