MONDOÑEDO .- Máis de cen persoas asistiron as xornadas de música tradicional que organizou en Mondoñedo A Tradescola xestionada pola asociación de Gaiteiros Galegos durante os días 10 e 13 de Decembro. Estas xornadas, estiveron guiadas por dous profesores da Tradescola, Bruno Villamor e Emilio Mesías, dous mestres de recoñecido prestixio no eido da música tradicional.
Nota de Prensa
GRANDE ÉXITO DAS XORNADAS DE MÚSICA TRADICIONAL EN MONDOÑEDO, QUE FORON ORGANIZADAS POLA ASOCIACIÓN DE GAITEIROS GALEGOS A TRAVÉS DA TRADESCOLA
Máis de 100 persoas asistiron a estas xornadas, que tiveron lugar o mercores día 9 e o domingo 13 de decembro, e na que se realizaron concertos e obradoiros de música tradicional.
Mondoñedo, a 13 de Decembro de 2009. A Tradescola, escola de música tradicional xestionada pola Asociación de Gaiteiros Galegos, realizou os días 10 e 13 de Decembro, unhas xornadas didácticas en Mondoñedo adicadas a música tradicional. Estas xornadas, estiveron guiadas por dous profesores da Tradescola, Bruno Villamor e Emilio Mesías, dous mestres de reconocido prestixio no eido da música tradicional.
As xornadas, que se iniciaron o mércores na Casa da Xuventude de Mondoñedo cun concerto didáctico adicado a escolares, continuaron no día de hoxe con un curso de gaita no que os asistentes puideron aprender nos obradoiros de iniciación a morfoloxía da gaita: familia, partes e materiais nos que se constrúe, exercicios técnicos para o dominio da primeira oitava, traballo do tempero, sistemas básicos para a repetición de notas: picados e batementos e outros exercicios.
No obradoiro de perfeccionamento,ensinouse a afinación da gaita: afinación do ronco e breves pautas a seguir para acadar unha perfecta afinación do punteiro, representación gráfica dos ornamentos máis empregados á hora de interpretar unha melodía coa gaita e a ornamentación de pezas .
Dende a Asociación de Gaiteiros Galegos pensamos que este tipo de xornadas , que están orientadas aos alumnos, profesorado e persoas interesadas na música tradicional en xeral, favorecen a difusión e promoción da cultura tradicional e axudan a incrementar a presenza da música e do baile tradicional galego na sociedade actual.
UNHA ASOCIACIÓN CREADA PARA DEFENDER A DIGNIDADE DA MÚSICA TRADICIONAL
A AGG conta neste momento con 700 asociados e asociadas distribuídas por todas as comarcas galegas e na Galiza exterior. A través dos seus asociados a AGG ten presenza na maior parte das asociacións e colectivos culturais que desenvolven actividades en torno á música tradicional no país.
A AGG é a entidade asociativa máis representativa e con maior peso específico no tocante á música tradicional en Galiza.
A TRADESCOLA
A Tradescola, escola de música tradicional xestionada pola Asociación de Gaiteiros Galegos conta cunha proposta educativa que lle permite ao alumnado adquirir unha formación integral nos eidos da música e do baile tradicional.
Na Tradescola impartense aulas de gaita, zanfona, acordeón, baile tradicional, canto e pandeireta, percusión, requinta, linguaxe musical e etnografía e investigación, e asisten a elas un total de 200 alumnos.
Coa intención de complementar a formación do alumnado,e no seu afán de incrementar a presenza da música e do baile tradicional galego na sociedade actual, impártense cursiños monográficos e realízanse outras actividades relacionadas coa difusión da cultura tradicional. O obxectivo é ofrecer formación a todas as persoas interesadas na música tradicional e poder colaborar con asociacións de toda a provincia, a través da realización de outras actividades relacionadas co ensino da música e baile tradicionais. A actividade da escola, aínda que centrada en Lugo, trasládase así, a través de diversas accións formativas, ás distintas comarcas da provincia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
