Lugo, 13 de xuño de 2017. O Presidente da Deputación e Alcalde da Pontenova, Darío Campos Conde, xunto ao Concelleiro de Persoal, Obras e Urbanismo, Francisco Martínez Bermúdez, informou este martes sobre as actuacións que levou o Goberno Provincial a este municipio mariñán a través da execución do Orzamento de 2016. Foi máis de 1 millón de euros para potenciar vías de comunicación, dotacións públicas, servizos sociais e emprego.
Campos Conde explicou que para a mellora de vías de comunicación o Executivo Provincial fixo investimento na Pontenova de 689.000 euros. Destináronse ao arranxo de accesos na parroquia de Rececende e das vías que unen A Pontenova coa Fonsagrada e Ribeira de Piquín.
Con 43.000 euros, melloráronse accesos públicos en Rececende. O Presidente mantivo hoxe un encontro con veciños desta parroquia, na que viven 400 persoas, para coñecer o seu parecer sobre os traballos de pavimentación que se levaron a cabo.
O Presidente adiantou que previsiblemente esta semana rematarán as obras de 296.000 euros na LU-P-1904. Trátase da estrada provincial que une A Pontenova coa Fonsagrada. Estase a mellorar con aglomerado en quente un treito de 4 quilómetros e a incrementar as medidas de seguridade nun total de 11 quilómetros, pois é unha zona moi afectada pola néboa.
O tamén Alcalde adiantou que con outros 350.000 euros este mesmo mes o Goberno da Deputación iniciará o arranxo da LU-P-4802 de Xinzo por Navallo a Pontesoutelo. É a estrada que une A Pontenova co Concellos de Ribeira de Piquín. Uns 5.000 veciños empregan a cotío esta vía de comunicación.
1.000 quilómetros de pistas
O Presidente supervisou os traballos de limpeza de vías que se levan a cabo no día de hoxe na zona da Feira. Realízanse cun tractor desbrozador que se adquiriu con 64.000 euros, que achegou o Goberno da Deputación, tendo en conta que necesidade deste equipamento para manter os preto de 1.000 quilómetros de pistas que ten o Concello.
Accesos e alumeado público
Con outros 65.000 euros, o Goberno Provincial financiou as melloras nos accesos públicos aos núcleos rurais de Barreiriñas a Fontagordo, na parroquia de Vilaboa, que conta cuns 30 veciños. O Presidente tamén estivo con veciños na estrada de Taramundi, que o Goberno da Deputación dotou de novo alumeado público, pois trátase dunha zona moi importante a nivel turístico. Tamén situouse novos puntos de luz no acceso ao polígono industrial, que conta cunha vintena de empresas; así como noutras 4 parroquias, que son as seguintes: Conforto, Goyos, Villaoudriz e Vilaboa. Todo isto cun investimento de 18.000 euros. Este novo equipamento permitirá reducir a factura da luz en máis de 3.300 euros ao ano.
Emprego e atención a maiores
O Goberno da Deputación investiu no Concello da Pontenova un total de 36.625 euros cos que financiar todos os custos laborais polo contratación de 2 novos traballadores para reforzar a prestación de servizos municipais. Fíxoo a través do DepuEmprego. Hoxe na Pontenova están a traballar dúas pesoas que estaban no paro. Trátase dun chofer de máquina motoaniveladora e dun auxiliar administrativo.
Así mesmo, para atender a maiores non considerados dependentes aso que, polo tanto, a Xunta de Galicia non lles presta atención profesional algunha, o Goberno da Deputación achegou á Pontenova máis de 25.000 euros. Con este orzamento, 34 maiores deste municipios contan co Servizo a Domicilio e Teleasistencia gratuíta. A axuda do Executivo Provincial fixo posible que o número de usuarios do SAF para non dependentes se duplicase, pois de 15 maiores no 2015 agora aténdense 30.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.