Viveiro (Lugo), 13 de xuño de 2017.- O subdelegado do Goberno en Lugo, Ramón Carballo, e a alcaldesa de Viveiro, María Loureiro, copresidiron esta mañá a reunión da xunta local de seguridade do municipio, na que se abordou o dispositivo que se disporá durante a vindeira celebración do Resurrection Fest, do 5 ao 8 de xullo.
Na xuntanza deuse conta do servizo de seguridade da organización do evento, e comprometeuse a que, como en anos anteriores, este servizo sexa reforzado polos efectivos de Policía Local, coa colaboración de Policía Nacional e Protección civil, para garantir que todo transcurra sen incidentes. Os axentes dos distintos corpos policiais intensificarán as labores de vixianza para velar polo mantemento da orde pública e previr a comisión de posibles feitos delictivos na localidade.
Colaborarán tamén neste plan efectivos do Servizo Marítimo da Garda Civil, dada a proximidade das zonas de concertos e de acampada á ría de Viveiro, así como do Subsector de Tráfico da Garda Civil, que controlarán os accesos á localidade e ás inmediacións do recinto onde se celebra o festival, para velar pola fluidez do tráfico e para garantir a seguridade nas estradas.
O operativo de Policia Local, Nacional e Protección Civil manterase durante toda a tempada de verán, cando a Cidade do Landro ve multiplicada a súa poboación habitual, prestando especial atención aos areais e a outros eventos festivos multitudinarios, como é a romaría do Naseiro.
SITUACIÓN DELINCUENCIAL
A xunta local de seguridade analizou tamén a situación delincuencial en Viveiro no que vai de ano, destacando que, segundo os datos oficiais, os delitos mantéñense nos mesmos niveis do mesmo período do ano anterior. A pesar desta estabilidade da delincuencia salienta o descenso dos delitos contra as persoas, os delitos por roubos con forza e as denuncias por violencia de xénero. En toda a anualidade, a Policía Nacional detivo no concello de Viveiro a 51 persoas (44 delas pola súa presunta implicación nalgún feito delictivo)
CHARLAS PARA ESCOLARES
O subdelegado do Goberno informou tamén na xuntanza desta mañá do traballo realizado en Viveiro ao amparo do Plan director para a convivencia e a mellora da seguridade escolar nos centros educativos e as súas contornas, deseñado pola Secretaría de Estado de Seguridade co fin de reforzar a educación, a prevención e a vixilancia nos centros escolares. Este obxectivo perséguese poñendo a disposición dos centros a asistencia técnica que precisen para axudar a previr e abordar os episodios graves que poidan ameazar a convivencia escolar, así como axudando a mellorar o coñecemento de alumnado, pais e profesores sobre os problemas de seguridade que afectan aos menores.
Ao longo do actual curso, 2016-2017, impartíronse en centros educativos de Viveiro un total de 44 charlas, que trataron sobre o acoso escolar, os riscos de internet, a violencia de xénero e os perigos do alcohol e as drogas.
Na xunta de seguridade participaron hoxe, xunto o subdelegado do Goberno e a alcaldesa, representantes da Policía Nacional, a Garda Civil, o Subsector de Tráfico, o Servizo Marítimo Provincial, a Policía Autonómica e a Policía Local.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
