Foz, 23 de xuño de 2017. O Concello de Foz comezou os traballos de substitución dos magnolios da rúa Xoán Montes polo seu tamaño desproporcionado. O alcalde, Javier Jorge Castiñeira, explicou que moitos veciños solicitaron a súa retirada e que serán cambiados por outras árbores dun tamaño máis axeitado para ese lugar.
O rexedor focense anunciou: “no día de hoxe estase procedendo á substitución dos magnolios que hai na rúa Xoan Montes, que comunica Avenida da Mariña e Álvaro Cunqueiro e que está afectada polas obras de remodelación que se van realizar nas dúas rúas”.
Javier Castiñeira indicou que “estes magnolios están nun tamaño totalmente desproporcionado e moitos dos veciños reclamáronos que se retiraran; vanse substituír por outras árbores de menor crecemento, adaptadas á zona urbana. E así aproveitamos tamén para que a rúa Xoán Montes quede adaptada á Avenida da Mariña e á Álvaro Cunqueiro, polo que esta remodelación afectará tamén á rúa Xoán Montes”.
O alcalde especificou que “agora, nos traballos provisionais, retiraranse estas árbores e as xardineiras; e unha vez que pasen as obras substituiranse pola mesma especie de árbore que van ter as outras dúas rúas e tamén o mesmo tipo de xardineiras, para que quede o conxunto ben harmonizado e eliminar así a desproporcionalidade destas árbores, que non son adaptados para a zona urbana”.
Castiñeira di que “ademais nos próximos días a rúa Xoán Montes vai servir de acceso provisional á Avenida da Mariña, igual que ocorreu no caso anterior con García Lorca. Agora en aproximadamente de dez días quedarán rematados os traballos na primeira fase da Avenida da Mariña e pasaremos á seguinte fase, que é a que vai desde Xoán Montes ata a glorieta de Vilalba, deixando a zona intermedia, a dos supermercados e outros lugares de servizo do pobo, libres de obras durante todo o verán. Polo tanto esta vía servirá de acceso durante estes próximos meses e vai ser unha rúa de posible tráfico tamén no seu momento, cando rematen as obras”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.