CERVO, 2 de xullo de 2017.- Alfonso Villares proclamouse este domingo presidente da Xunta Directiva Loca de Cervo. Así o acordaron os afiliados desta agrupación no congreso, presidido pola dirixente provincial, Elena Candia, quen estivo acompañada do secretario xeral, Carlos Armesto, e do coordinador do Partido en A Mariña, José Manuel Balseiro.
O novo responsable substitúe a José Insua Pernas e recoñece que asume o cargo “cunha tremenda satisfacción e compromiso de que o meu Partido siga medrando en Cervo”. “Creo que temos unha base forte, que foi a que nos deu a alcaldía e, nesta senda, é na que temos que seguir camiñando para fortalecernos aínda máis se cabe”, apuntou Villares.
Deste xeito, asegurou, diante dos militantes e simpatizantes que participaron na xuntanza, que o seu reto e deseñar un grupo de traballo e un proxecto tamén a nivel de Partido “que nos permita conseguir o que acabo de dicir anteriormente”. Villares agradeceu así, a confianza depositada na súa persoa para dirixir o Partido e fixo un recoñecemento expreso tanto aos asistentes, como á dirección provincial, ao coordinador nesta comarca e ao seu antecesor no cargo, do que dixo, “recollo o seu esforzo para darlle continuade e seguir traballando por este Partido”.
Candidatura ao completo
Alfonso Villares lidera así a candidatura que está formada polos seguintes membros: presidente: o elixido; vicepresidente: José Insua Pernas; secretaria: Pilar Armada Carrete; vicesecretaria: Elisabet Peña Fernández; coordinador sectorial de Pesca: Alfredo Antonio Fernández Casas; coordinador sectorial de Educación: Dolores García Paramés; coordinador sectorial do Sector Primario: Plácido Pérez Otero; coordinador sectorial de Novas Tecnoloxías; José García Insua; coordinador sectorial de Medio Ambiente: José Ramón Soto Martínez; coordinador sectorial de Xuventude: Marcos González Villares; e vogais: Silverio Ferreira Otero, Manuel Piñeiro Díaz, Ramón Rivas Villares, Ángel Fernández Vequez, Jaime Barreal Vázquez, Leornardo Martínez Suárez, José Luis López Fernández, Nito Fernández Dopico, Francisco Pinín Rodríguez, Roberto Santos Gutiérrez, Ramón Elemparte González e Laureano Pérez Balseiro.
Persoa de Partido
O novo dirixente é veterinario de profesión. É concelleiro do PPdeG neste municipio dende 1.995. Dende 1.999 forma parte do equipo de goberno deste Concello. Nas eleccións de 2007 encabezou a candidatura á alcaldía e foi elixido alcalde con maioría absoluta. Nos comicios de 2011 e 2015 revalidou o cargo de rexedor nas mesmas condicións. Asemade, dende 2011 tamén é vicepresidente da Federación Galega de Municipios e Provincias (FEGAMP).
Con este perfil, a dirección provincial, que encabeza Elena Candia, non dubidou en recoñecer que Villares “ten o perfil axeitado para para asumir o cargo”, a quen lle agradeceu “o forte compromiso, dedicación e traballo pola nosa formación”. Neste senso, a presidenta tamén tivo palabras de agradecemento para o antecesor do novo dirixente local. “Quero darlle as grazas persoalmente, así como en nome do PP da provincia. Persoas coma el sempre son necesarias no noso Partido”, destacou.
Na mesma liña, Carlos Armesto e José Manuel Balseiro trasladaron ao elixido o apoio do órgano provincial de coordinación comarcal “para volver revalidar en 2019 a maioría absoluta neste Concello”, indicaron.
Reforzando o Partido na provincia
Ademais do de Cervo, e enmarcados no compromiso do PP de Lugo de seguir reforzando o Partido por toda a provincia, a dirección provincial proseguirá próximamente coa renovación das agrupacións locais. Previamente xa o fixo en Ourol, Xermade, Cervantes, A Pastoriza e Lugo, que desempeñan Carlos Ríos, Antonio Rodríguez, Javier Santín, Luis Cabado e Ramón Carballo, respectivamente.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
