Foz, 5 de xullo de 2017. A Delegación de Medio Ambiente do Concello de Foz leva a cabo unha serie de melloras nos servizos medioambientais do municipio para este verán. Destaca o reforzo da recollida dos colectores amarelos, incrementando este servizo un día máis á semana.
A concelleira de Medio Ambiente en Foz, Mayte López Rego, anunciou que “cara ao verán fixéronse unha serie de accións para mellorar a recollida do lixo do colector amarelo a maiores de facer unha limpeza xeral en todos os colectores do concello tanto os verdes como o amarelos. Reforzarse a recollida aumentando un día máis para que non se acumulen tantos residuos nos contedores amarelos e teñamos esa mala imaxe de ver o lixo tirado ao lado dos colectores”.
Mayte López Rego engadiu que “ademais cambiáronse as tapas dalgúns contedores porque habíaos dunha sola boca e nalgunhas ocasións hai bolsas sobre a tapa sen estar cheos; por iso substituíronse as tapas dunha soa boca por outras con dúas bocas, o cal mellorará a eficiencia no uso dos colectores porque se hai una bolsa que bloquea unha boca a outra pode usarse”.
A edil de Medio Ambiente destacou tamén que “foron lavados os colectores amarelos e tamén todos os colectores verdes do concello”.
Mayte López subliña que “é unha acción que leva a cabo a empresa prestataria do servizo, Soil Recovery, e que estamos facendo dende a Concellería de Medio Ambiente todos os veráns. Quizais este ano nos botamos un pouco encima do mes de xullo por dispoñibilidade da empresa, que tiña a máquina noutro concello e non nos podía atender antes, polo que tivemos que esperar un pouco máis para facer esta limpeza dos colectores”.
A concelleira de Medio Ambiente espera que “non haxa ningunha incidencia, que todo transcorra con normalidade e que o lixo non empañe este verán que estamos comezando”.
Mayte López Rego salientou tamén que “a medida que aumentou a cantidade de material reciclado por veciño, diminuíu a porcentaxe de material reciclado incorrectamente ata valores por baixo da media galega. Asemade a cantidade de contedores amarelos a disposición dos veciños aumentou ata os 243 que hai na actualidade”.
A edil rematou agradecendo “a implicación dos veciños na reciclaxe e na conservación do medio ambiente”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
