Lugo, 5 de xullo de 2017.- A Consellería de Medio Ambiente e Ordenación do Territorio está a completar estes días a solta de 64.300 exemplares de troita común e 20.000 de salmón para repoboar unha ducia de ríos da provincia de Lugo.
O delegado territorial da Xunta, José Manuel Balseiro, indicou que se trata de actuacións periódicas destinadas a “preservar a riqueza dos nosos ríos, garantindo a variabilidade xenética das poboacións piscícolas”.
Esta fase de accións de repoboacións estendeuse durante as dúas últimas semanas. Nos primeiros días rexistráronse soltas de salmóns nos ríos Landro, Ouro, Masma e Eo, a razón de 5.000 exemplares en cada un. Os tramos de canle elixidos corresponden aos concellos de Viveiro, Ourol, O Valadouro, Alfoz, Mondoñedo e a Ribeira de Piquín.
Nestes días estase a realizar a solta de troitas. Repoboáronse xa, con 5.000 exemplares en cada caso, os ríos Neira, Sarria, Cancelada e Narón; e con 4.750 exemplares cada un, os ríos Landro, Ouro, Masma e unha parte do Eo. Os municipios beneficiados foron Baralla, Sarria, Cervantes, Becerreá, Viveiro, Alfoz, Mondoñedo e Ribeira de Piquín.
Hoxe mesmo estanse a levar a cabo os traballos no río Navia, en Cervantes, que tamén se surte con 5.000 exemplares. Mañá os labores centraranse no río Miño, ao seu paso por Lugo, O Corgo e Guntín, coa solta de 10.000 exemplares en distintos tramos. Igualmente, haberá unha solta máis pequena, de 300 exemplares, no Eo no coto de Vilarmide (entre a Ribeira de Piquín e A Pontenova).
Esta fase de soltas remata o venres día 7 nos ríos Landroil e Parga, en Guitiriz. Todos os exemplares proceden do centro ictioxénico do Veral, en Lugo, un dos que xestiona a Consellería na provincia xunto co centro de Goo, ubicado no Incio.
O delegado da Xunta avanzou que haberá accións similares nas vindeiras semanas -con peixes criados en Goo, que está especializado na cría de troita-, e tamén no outono, no mes de outubro.
Balseiro explicou que estas intervencións teñen por obxectivo facilitar a explotación sostible dos ríos, e responden a estudos poboacionais e de presión pesqueira co fin de que a conservación da especie nunca se vexa comprometida polo seu aproveitamento.
Así, as soltas de troitas realízanse en tramos degradados, con escasa ou nula presencia de poboación piscícola, e polo xeral deben estar vedados ou ser aptos só para a pesca sen morte, ou mesmo de difícil acceso, para minimizar os riscos de mortaldade dos peixes destinados a repoboar os ríos.
De feito, apuntou o delegado, nesta ocasión realízase tamén unha solta no río Boedo -afluente do Parga-, en Guitiriz, programada para paliar os danos que produciron na fauna dúas verteduras de zurro que se sucederon nos anos 2014 e 2015.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
