Lugo, 10 de xullo de 2017. O Deputado de Turismo Eduardo Vidal Baamonde, e o Alcalde de Foz, Javier Jorge Castiñeira, presentaron este luns, no Salón de Actos do Pazo de San Marcos, a V edición do Festival Cultural “Coa nosa fala”, que se celebra o mércores 12 de xullo no Campo da Cabana de Foz. Este festival naceu para contribuír a promocionar á musica feita en Galicia por músicos galegos. O Goberno da Deputación colabora cun achega económica de 3.000 euros para a celebración desta actividade no Concello de Foz, sendo a única administración impulsora, xunto co Concello, desta iniciativa.
Vidal Baamoonde destacou que “dende o Executivo Provincial colaboramos con esta iniciativa, que nesta edición ten como obxectivo homenaxear o traballo incansable do músico mariñán, Arcadio Mon, falecido o ano pasado. Mon ademais dun gran compositor, foi o fundador da Escola Municipal e da Banda de Música de Foz, polo tanto é un verdadeiro referente para moitos músicos de moitas xeracións da Mariña Lucense”.
“Dende o Goberno da Deputación apoiamos todas as iniciativas que contribúan a poñer en valor a nosa cultura, a nosa música e ás nosas tradicións, e ao mesmo tempo reivindicar o legado dun artista que merece o recoñecemento de todos os seus veciños. Un evento que nesta edición xa cumpre cinco anos e no que esperemos se siga consolidando”, explicou. Ademais Eduardo Vidal convidou a todos visitantes a visitar e descubrir Foz “unha vila que ten verdadeira xoias patrimoniais e naturais, como as súas praias”.
Jorge Javier Castiñeira agradeceu o traballo de todas as asociacións e institucións que apoian esta iniciativa, e remarcou “que esta nova edición será un verdadeiro homenaxe á musica galega e aos autores locais, e ao mesmo tempo contribuirá a a promover a nosa lingua e a nosa cultura”.
O Alcalde de Foz explicou este festival é moi especial en Foz, xa que este ano homenaxéase a Arcadio Mon, fundador deste evento, e no que participarán os catro grupos musicais que actuaron na 1º Edición deste Festival. “Este ano quixemos recoñecer o traballo de Arcadio porque el foi o verdadeiro impulsor deste proxecto, co que quixo reivindicar un espazo para a música galega e os artistas galegos. Por iso decidimos convocar a estes grupos aos que el estaba tan vencellado. Arcadio Mon merece esta homenaxe, a súa aportación musical e cultural é innegable. O pobo de Foz estará sempre en débeda con el”.
Programación
Esta nova edición de “Coa nosa fala”, comezará ás 22:00 horas no Campo da Cabana, e será presentado polo actor e presentador Paco Lodeiro, que tamén quixo sumarse a esta homenaxe. Ao longo da velada actuarán todos os grupos que participaron na I edición deste festival, son concretamente; Escola de Meus, Chingla, Sito Sedes e Tito Calviño, aos que Arcadio Mon estaba moi vencellado.
Arcadio Mon, biografía
Arcadio Mon García (1967-2016), músico e compositor, naceu en Bacoi (Alfoz), no seo dunha familia de intérpretes. Para este compositor a música sempre foi a súa gran paixón, a súa vocación e a súa profesión. Formouse musicalmente na Coruña, onde tocou en numerosas orquestras. Ademais fundou a Escola de Música de Foz e dirixiuna durante anos, e tamén a Banda de Música da localidade. Foi promotor incansable de numerosas iniciativas musicais por toda a Mariña lucense, entre elas o Festival “Coa nosa fala”.
Foi promovida polo ximnasio ABFitness en colaboración co Concello de Ribadeo para promover a vida activa e o deporte neste municipio. O concelleiro de Deportes, Francisco José Silvent, declarou: “agardamos seguir a colaboración e que cheguen a este concello máis actividades e propostas para impulsar a vida activa e o estilo de vida saudable”.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
