Burela, 13 de xullo de 2017.- A Deputada do PSOE no Congreso pola provincia de Lugo, Margarita Pérez Herraiz; o Presidente do PSOE na Deputación de Lugo, Darío Campos Conde; o Deputado Autonómico do PSOE pola provincia de Lugo, Luis Álvarez; os Alcaldes de Burela, Alfredo Llano; Alfoz, Jorge Val, Lourenzá, Rocío López, e Trabada, Mayra García; ademais de Concelleiros e compañeiros de partido na Mariña, denunciaron este xoves o “abandono” do Partido Popular dende o Goberno Central en materia de estradas. Pois, “non só fan que esta Comarca sexa a peor comunicada da provincia, sen previsión algunha para poñer en marcha a necesaria A-74; senón que, nin tan sequera, inviste na conservación das vías de titularidade estatal que temos na Mariña”, apuntou Pérez Herraiz.
O PP votou en contra da suba de fondos para a A-74
A Deputada do PSOE no Congreso pola provincia de Lugo explicou que “no ano 2016 había 2,3 millóns de euros para a A-74, dos que o Partido Popular dende o Goberno Central tan só se executou 500.000 euros. Este ano, o PP incorporou unha partida de 1,7 millóns de euros para esta autovía, que son “claramente insuficientes, mantendo á A-74 sen data algunha para a súa apertura. Por este motivo, os socialistas presentamos no Congreso unha emenda, reclamando incrementar en 1,5 millóns de euros este orzamento. O Partido Popular rexeitou esta suba, votando en contra dos intereses dos veciños da Mariña”.
“Marxinan ao terzo da veciños da provincia que vivimos na Mariña”
Neste eido, Campos Conde engadiu que “despois do acontecido coa transcantábrica, cando, no ano 2000, o PP, dende o Goberno Central, decidiu deixar a nosa Comarca marxinada, levamos anos esperando a que nos compensen co Corredor da Costa e coa VAC. Pero tamén o Partido Popular segue a negar a posta en marcha destas infraestruturas, tanto dende o Executivo Estatal como dende a Xunta de Galicia. Están a marxinar a un terzo da poboación da provincia, que vivimos na Mariña. A nosa Comarca sobrevive grazas ao esforzo dos seus veciños, que fan que sectores como a pesca ou factorías como Alcoa continúen a funcionar, fortalecendo o PIB da provincia, aínda non ter facilidades para facelo en canto ás comunicacións”.
Nin tan sequera fondos para conservación
Pérez Herrraiz explicou que “no ano 2011, co PSOE no Goberno Central, executamos 22 millóns de euros na conservación de estradas estatais na provincia de Lugo. No ano 2016, co PP no Executivo do Estatal, tan só se realizaron traballos por valor de 7,4 millóns de euros. O Partido Popular recortou en case un 70% o investimento en conservación. Polo tanto, a Mariña non só non ten as comunicacións que necesita, nin data para telas, senón que as poucas vías de comunicación que ten están totalmente abandonadas”.
Novas iniciativas para máis subas
“Presentamos unha proposición non de lei, que conseguimos sacar adiante a pesares de non contar co apoio do PP dende o Goberno Central, para incrementar os fondos destinados ao mantemento da N-642 entre os puntos quilométricos 29 e 39. Imos a presentar novas iniciativas para reclamar a necesaria suba de investimentos na conservación de máis estradas estatais na Mariña, pois o seu estado é lamentable”.
Sen feitos e con atracos para a promoción turística da Mariña
O Alcalde de Burela denunciou que “ao PP éncheselle a boca, asegurando que apoian a promoción turística da Comarca, pero só son palabras, só saben figurar, non hai feitos, e máis, hai atrancos. O Partido Popular dende os goberno do Estado e da Xunta non puxeron en marcha nin unha soa iniciativa para favorecer a actividade turística na Mariña. Entorpecen as que potenciamos dende outras administracións, entidades ou asociacións co esforzo dos veciños desta Comarca. Todo o traballo estámolo a asumir os cidadáns e os propios Concellos coa única axuda da Deputación de Lugo”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
