Lugo, 22 de setembro de 2017.- O Grupo Provincial do PP presentará unha pregunta no Pleno da Deputación para coñecer os plans que o Goberno de Darío Campos ten para rehabilitar o pazo mindoniense de Bon Aire, situado xunto á igrexa parroquial de Masma, unha vez que está a piques de rematar o convenio para a súa cesión co Bispado, o seu propietario.
Os populares precisan que a infraestrutura leva anos completamente abandonada e presenta un estado ruinoso, o que dificulta que poida dárselle uso. Indican ademais que o convenio asinado no seu día entre a Deputación e o Bispado establece que o edificio ten que volver ao seu propietario no seu estado primitivo. Sendo así, a Deputación tería que intervir e acometer a súa recuperación antes da súa entrega.
Desde o Grupo Provincial do PP agardan que o Goberno do socialista Darío Campos conte cun plan e un calendario de actuacións de cara a recuperar e rehabilitar este pazo, emblemático na cidade de Mondoñedo. De non ser así, os populares converterán a súa pregunta nun rogo para que a Deputación actúe á maior brevidade posible no inmoble de cara á súa recuperación.
Visita de Besteiro no ano 2007
Na década de 1980 o pazo foi cedido pola Deputación a unha asociación de toxicómanos para labores de desintoxicación e de rehabilitación. Anos despois un incendio destruíu o edificio case por completo e desde entón o seu estado é de total abandono. Xa no ano 2007 nunha visita do presidente socialista Gómez Besteiro apuntaban a necesidade de recuperalo, intención á que se sumaba o tenente alcalde, tamén do PSOE, Modesto Díaz.
Desde o PP interesaranse no Pleno por saber se o Goberno da Deputación ten previsto realizar algunha intervención a curto prazo no pazo de Bon Aire, dada a complexidade da rehabilitación do pazo, sobre todo en termos económicos, e respectando a negociación que poida existir entre as partes. “Non podemos ocultar que nos preocupar que siga estando así, polo que esperamos as explicacións oportunas por parte da Deputación”, resumen os populares.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
